1 ⵢⴰⵔⵏⵉ ⵉⵍⵉⵀⵓ ⴷⴻⴳ ⵡⴰⵡⴰⵍ, ⵉⵏⵏⴰ:
2 ⵚⴱⴰⵔ ⵛⵡⴰⵢⵜ ⴰⴽⵉⴷⵉ,
3 ⵏⴻⵛⵛ ⴰⴷ ⴷⴷ-ⴰⵡⵢⴻⵖ ⵜⵓⵙⵙⵏⴰ ⵉⵏⵓ
4 ⵎⴰⵖⴰⵔ ⵙ ⵜⵉⴷⴻⵜⵜ,
5 ⵅⵣⴰⵔ, ⴰⵔⴻⴱⴱⵉ ⵉⵎⵖⴰⵔ ⴰⵟⵟⴰⵙ,
6 ⴰⵄⴻⴼⴼⴰⵏ ⵡⴰⵔ ⵜ ⵉⵜⵜⴻⵊⵊⵉ ⴰⴷ ⵉⴷⴷⴰⵔ,
7 ⵏⴻⵜⵜⴰ ⵡⴰⵔ ⵉⵙⵙⵃⴻⵢⵢⵉⴷ ⵜⵉⵟⵟⴰⵡⵉⵏ ⵏⵏⴻⵙ
8 ⵎⴰⵍⴰ ⵜⵜⵡⴰⵡⵜⴻⵏ ⵏⵉⵜⵏⵉ ⴷⵉ ⵍⴻⴳⵢⵓⴹ,
9 ⵅⴻⵏⵏⵉ ⵉⵙⵙⵛⴻⵏ ⴰⵙⴻⵏ ⵜⵉⵎⴻⴳⴳⴰ ⵏⵙⴻⵏ
10 ⵢⴰⵔⴻⵣⵣⴻⵎ ⴰⵎⴻⵣⵣⵓⵖ ⵏⵙⴻⵏ ⵉ ⵓⵡⴻⴱⴱⴻⵅ,
11 ⵎⴰⵍⴰ ⵙⵍⵉⵏ ⵓ ⵙⴻⵅⵅⴰⵔⴻⵏ ⴰⵙ,
12 ⵎⴰⵛⴰ ⵎⴰⵍⴰ ⵡⴰⵔ ⵙⵍⵉⵏ,
13 ⵏⵉⵜⵏⵉ ⵉⵏⵏⵉ ⵉⵙⵙⵏⵉⵄⵎⵉⵍⴻⵏ ⴷⴻⴳ ⵡⵓⵍ ⵏⵙⴻⵏ,
14 ⵍⴻⵄⵎⴰⵔ ⵏⵙⴻⵏ ⴰⴷ ⵉⵎⵎⴻⵜ
15 ⴰⴷ ⵉⴼⴻⴽⴽ ⴰⵎⴻⵣⵍⵓⴹ ⴷⵉ ⵍⴻⵖⴱⴻⵏ ⵏⵏⴻⵙ,
16 ⴰⵎⵎⵓ ⵉ ⵖⴰ ⵉⵄⴰⵔⵔⴻⵏ ⵓⵍⴰ ⴷ ⵛⴻⴽ
17 ⵎⴰⵛⴰ ⵛⴻⴽ ⵜⴻⵏⵏⵓⵖⴻⴷ
18 ⵃⴹⴰ ⴰⵇⴰ ⴰⵙⵄⴰⵔ
19 ⵎⴰ ⵉⵖⵓⵢⵢⴰⵏ ⵏⵏⴻⵛ
20 ⵡⴰⵔ ⵜⵜⵎⴻⵥⵔⵉ ⴷⵉ ⴵⵉⵍⴻⵜ,
21 ⵃⴹⴰ ⵉⵅⴻⴼ ⵏⵏⴻⵛ, ⵡⴰⵔ ⴳⴳⵓⵔ
22 ⵅⵣⴰⵔ, ⴰⵔⴻⴱⴱⵉ ⵉⵙⵙⵄⵓⴵⴰ ⵙ ⵊⵊⴻⵀⴷ ⵏⵏⴻⵙ,
23 ⵎⴰⵏ ⵡⴻⵏ ⵉ ⴷ ⴰⵙ ⵉⵙⵙⵛⴰⵏⴻⵏ ⴰⴱⵔⵉⴷ?
24 ⵄⵇⴻⵍ ⴰⴷ ⵜⴻⵙⵙⵄⵓⴵⵉⴷ
25 ⴽⵓⵍ ⴱⵏⴰⴷⴻⵎ ⵉⵜⵜⵡⴰⵍⴰ ⵜⵜ,
26 ⵅⵣⴰⵔ, ⴰⵔⴻⴱⴱⵉ ⴷ ⴰⵎⴻⵇⵇⵔⴰⵏ,
27 ⵎⴰⵖⴰⵔ ⵏⴻⵜⵜⴰ ⵉⵊⴻⴱⴱⴻⴷ
28 ⴰⵏⵥⴰⵔ ⵏⵏⵉ ⵣⵉ ⵜⵜⵏⴻⵙⵏⵉⵙⵉⵏ ⵉⵙⴻⵢⵏⵓⵜⴻⵏ,
29 ⵎⴰⵏ ⵡⴻⵏ ⵉⵜⵜⵃⴰⴽⴰⵏ ⵄⴻⵎⵎⴰⵔⵚ
30 ⵅⵣⴰⵔ, ⵉⵜⵜⴱⴻⵣⵣⴻⵄ ⵜⴰⴼⴰⵡⵜ ⵏⵏⴻⵙ
31 ⵎⴰⵖⴰⵔ ⵙ ⵓⵢⴰ ⵉⵜⵜⵛⴰⵔⵔⴻⵄ ⵍⴻⴳⵏⵓⵙ.
32 ⵉⵜⵜⵛⵓⵔⵔⴰ ⵉⴼⴰⵙⵙⴻⵏ ⵏⵏⴻⵙ ⵙ ⵜⴼⴰⵡⵜ,
33 ⴰⴹⴰⵔⴹⴻⵃ ⵏ ⵡⴰⵙⵙⴰⵎⴻⵏ ⵉⵜⵜⴱⴰⵔⵔⴻⵃ ⵣⵣⴰⵢⴻⵙ,