1 ⵙⴻⵍ ⵍⴻⵅⵅⵓ ⵖⴰⵔ ⵍⵀⴰⵔⴷ ⵉⵏⵓ, ⴰⵢⵓⴱ,
2 ⵅⵣⴰⵔ, ⴰⵔⵣⵎⴻⵖ ⴰⵇⴻⵎⵎⵓⵎ ⵉⵏⵓ,
3 ⵜⵜⴻⴼⴼⵖⴻⵏ ⵡⴰⵡⴰⵍⴻⵏ ⵉⵏⵓ
4 ⴰⵔⵔⵓⵃ ⵏ ⴰⵔⴻⴱⴱⵉ ⵉⴳⴳⴰ ⴰⵢⵉ,
5 ⵎⴰⵍⴰ ⵜⵣⴻⵎⵎⴰⵔⴻⴷ, ⴰⵔⵔ-ⴷⴷ ⵅⴰⴼⵉ.
6 ⵅⵣⴰⵔ, ⵏⴻⵛⵛ ⴰⵎ ⵛⴻⴽ ⵣⵣⴰⵜ ⵉ ⴰⵔⴻⴱⴱⵉ,
7 ⵅⵣⴰⵔ, ⴰⵀⵓⴷⴷⵉ ⵉⵏⵓ
8 ⵙ ⵜⵉⴷⴻⵜⵜ, ⴰⵇⴰ ⵜⴻⵏⵏⵉⴷ ⵜ
9 ‘ⵏⴻⵛⵛ ⴷ ⴰⵎⴻⵣⴷⴰⴳ, ⴱⵍⴰ ⴷⴷⴻⵏⴱ,
10 ⵅⵣⴰⵔ, ⵏⴻⵜⵜⴰ ⵢⴰⵔⴻⵣⵣⵓ ⵙⵙⵉⴱⴱⴻⵜ
11 ⵉⴹⴰⵔⴻⵏ ⵉⵏⵓ ⵉⵇⵇⴻⵏ ⵉ-ⵜⴻⵏ ⵖⴰⵔ ⵓⴽⴻⵛⵛⵓⴹ,
12 ⵅⵣⴰⵔ, ⴰⴷ ⴰⵛ ⵉⵏⵉⵖ,
13 ⵎⵉⵏ ⵅⴻⴼ ⴽⵉⴷⴻⵙ ⵜᵉⵜⵜⴻⵎⵄⴰⵔⵔⵉⴷ?
14 ⵎⴰⵖⴰⵔ ⴰⵔⴻⴱⴱⵉ ⵉⵙⵙⴰⵡⴰⵍ ⵉⵛⵜ ⵏ ⵜⵡⴰⵍⴰ,
15 ⴷⵉ ⵜⵉⵔⵊⴰ, ⵙ ⵉⵊⵊ ⵏ ⵍⴻⵡⵃⵉⵢ ⴷⵉ ⴵⵉⵍⴻⵜ,
16 ⵅⴻⵏⵏⵉ ⵢⴰⵔⴻⵣⵣⴻⵎ ⵏⴻⵜⵜⴰ
17 ⵃⵉⵎⴰ ⴰⴷ ⵉⵙⵙⵃⴻⵢⵢⴻⴷ ⴱⵏⴰⴷⴻⵎ
18 ⵏⴻⵜⵜⴰ ⵉⵎⴻⵏⵏⴻⵄ ⵍⴻⵄⵎⴰⵔ ⵏⵏⴻⵙ ⵣⵉ ⵜⵓⵔⵚⵓⴹⵉ,
19 ⵉⵊⴻⵢⵢⴻⵃ ⵉ-ⵜ ⵍⴻⵃⵔⵉⵇ ⴷⵉ ⵇⴰⵎⴰ ⵏⵏⴻⵙ
20 ⵜⵓⴷⴰⵔⵜ ⵏⵏⴻⵙ ⵜⴰⵔⵔⴰ ⵉ-ⵜ ⵉⵜⵜⵄⵉⴼⴼⴰ ⴰⵖⵔⵓⵎ
21 ⵉⵇⴻⵟⵟⴰ ⵡⴻⵢⵙⵓⵎ ⵏⵏⴻⵙ ⵣⴻⴳ ⵡⵓⴷⴻⵎ ⵏⵏⴻⵙ,
22 ⵉⵜⵜⵇⴰⵔⵔⴰⴱ ⵍⴻⵄⵎⴰⵔ ⵏⵏⴻⵙ ⵖⴰⵔ ⵜⵓⵔⵚⵓⴹⵉ,
23 ⵎⴰⵍⴰ ⵅⴻⵏⵏⵉ ⴷⵉⵏ ⵉⵊⵊ ⵏ ⵍⵎⴰⵍⴰⴽ
24 ⵅⴻⵏⵏⵉ ⴰⴷ ⵅⴰⵙ ⵉⵃⵉⵏⵏ, ⴰⴷ ⵢⵉⵏⵉ:
25 ⵅⴻⵏⵏⵉ ⴰⴷ ⵜⵏⴻⵄⵏⴻⵄ ⴰⵔⵔⵉⵎⴻⵜ ⵏⵏⴻⵙ
26 ⵏⴻⵜⵜⴰ ⴰⴷ ⵉⵜⵜⴰⵔ ⴰⵔⴻⴱⴱⵉ ⵙ ⵜⵓⵜⵔⴰ ⵢⵓⴵⵖⴻⵏ
27 ⴰⴷ ⵉⵖⴻⵏⵏⴻⵊ ⵉ ⵢⴻⵡⴷⴰⵏ, ⴰⴷ ⵢⵉⵏⵉ:
28 ⵉⴼⴻⴽⴽ ⴰⵔⴻⴱⴱⵉ ⵍⴻⵄⵎⴰⵔ ⵉⵏⵓ
29 ⵅⵣⴰⵔ, ⵎⴰⵔⵔⴰ ⴰⵢⴰ ⵉⵜⵜⴻⴳⴳ ⵉ-ⵜ ⴰⵔⴻⴱⴱⵉ,
30 ⵃⵉⵎⴰ ⴰⴷ ⵉⵙⵙⴻⵄⵇⴻⴱ ⵍⴻⵄⵎⴰⵔ ⵏⵏⴻⵙ
31 ⵃⴹⴰ, ⴰⵢⵓⴱ! ⵙⴻⵍ-ⴷⴷ ⵖⴰⵔⵉ!
32 ⵎⴰⵍⴰ ⵖⴰⵔⴻⴽ ⴰⵡⴰⵍⴻⵏ ⵡⴻⵊⴷⴻⵏ,
33 ⵎⴰⵍⴰ ⵍⵍⴰ, ⵙⴻⵍ-ⴷⴷ ⵖⴰⵔⵉ!