1 ⵢⴰⵔⵏⵉ ⵉⵙⵙⴳⴻⵄⵄⴻⴷ ⴰⵢⵓⴱ ⵍⵀⴰⵔⴷ ⵏ ⵍⵎⴰⵜⴰⵍ ⵏⵏⴻⵙ, ⵉⵏⵏⴰ:
2 ⵙ ⵜⵉⴷⴻⵜⵜ ⴰⵎ ⵉⴷⴷⴰⵔ ⴰⵔⴻⴱⴱⵉ
3 ⵎⵉⵏ ⵖⴰ ⵢⴻⴽⴽ ⵏⵏⴻⴼⵙ ⵄⴰⴷ ⴷⴰⵢⵉ
4 ⵡⴰⵔ ⵇⵇⴰⵔⴻⵏ ⵉⵢⴻⵏⵛⵉⵛⴻⵏ ⵉⵏⵓ ⵍⵖⴻⵛⵛ
5 ⵉⴳⴳⵯⴻⵊ ⵅⴰⴼⵉ ⴰⴷ ⴳⴳⴻⵖ ⴽⴻⵏⵏⵉⵡ
6 ⴰⴷ ⵟⵟⴼⴻⵖ ⴷⵉ ⵜⵙⴻⴳⴷⴰ ⵉⵏⵓ,
7 ⵎⵍⵉ ⴷⴷ-ⵉⴱⴰⵏ ⵍⴻⵄⴷⵓ ⵉⵏⵓ ⴷ ⴰⵄⴻⴼⴼⴰⵏ,
8 ⵎⴰⵖⴰⵔ ⵎⴰⵏ ⵍⴰⵢⴰⵙ ⵏ ⵓⵎⵏⴰⴼⴻⵇ,
9 ⵎⴰ ⴰⴷ ⵉⵙⴻⵍ ⴰⵔⴻⴱⴱⵉ ⵉ ⵉⵖⵓⵢⵢⴰⵏ ⵏⵏⴻⵙ,
10 ⵎⴰ ⴰⴷ ⵉⴼⴰⵔⵃ ⵖⴰⵔ ⵓⵎⵣⴻⵎⵎⴰⵔ ⵅ ⴽⵓⵍⵛⵉ?
11 ⵏⴻⵛⵛ ⴰⴷ ⴰⵡⴻⵎ ⵙⵙⵍⴻⵎⴷⴻⵖ ⵅ ⵓⴼⵓⵙ ⵏ ⴰⵔⴻⴱⴱⵉ,
12 ⵅⵣⴰⵔ, ⴽⴻⵏⵏⵉⵡ ⵎⴰⵔⵔⴰ ⵉⴷⵡⴻⵎ ⵜⴻⵥⵔⵉⵎ ⵜ.
13 “ⵜⴰ ⴷ ⵜⴰⵙⵖⴰⵔⵜ ⵏ ⴱⵏⴰⴷⴻⵎ ⴰⵄⴻⴼⴼⴰⵏ ⵖⴰⵔ ⵙⵉⴷⵉ,
14 ⵅⵎⵉ ⵖⴰ ⵎⵎⴰⵔⴻⵏⵢⴻⵏ ⵉⵃⴻⵏⵊⵉⵔⴻⵏ ⵏⵏⴻⵙ,
15 ⵡⵉ ⵣⵣⴰⵢⴻⵙ ⵉ ⵖⴰ ⵢⴰⵔⴻⵡⵍⴻⵏ
16 ⵡⴰⵅⵅⴰ ⵉⵊⴰⵔⵔⵓⵡ ⵏⵏⵓⵇⴰⵔⵜ ⴰⵏⴻⵛⵜ ⵏ ⵓⵛⴰⵍ,
17 ⵉⵡⴰ, ⵡⴰⵅⵅⴰ ⴰⴷ ⵜ ⵉⵙⵙⴻⵡⵊⴻⴷ,
18 ⴰⴷ ⵉⴱⵏⴰ ⵜⴰⴷⴷⴰⵔⵜ ⵏⵏⴻⵙ ⴰⵎ ⵜⵛⵉⵏⴷⴰ,
19 ⴰⴷ ⴷⴰⵢⴻⵙ ⵉⵟⵟⴻⵚ ⴷ ⴱⵓ-ⵡⴰⴳⵍⴰ,
20 ⵉⵏⴻⵅⵍⵉⵄⴻⵏ ⴰⴷ ⵅⴰⵙ ⴰⵔⴻⵏⵢⴻⵏ
21 ⴰⵙⴻⵎⵎⵉⴹ ⵣⵉ ⵛⵛⴰⵔⵇ ⴰⴷ ⵜ ⵉⴽⵙⵉ,
22 ⴰⵔⴻⴱⴱⵉ ⴰⴷ ⵉⵙⵙⵉⵡⴻⴹ ⵎⴰⵔⵔⴰ ⴰⵢⴰ
23 ⵉⵡⴷⴰⵏ ⴰⴷ ⵅⴰⵙ ⵡⵡⵜⴻⵏ ⴷⴻⴳ ⵉⴼⴰⵙⵙⴻⵏ ⵏⵙⴻⵏ