1 ⵢⴰⵔⵔⴰ-ⴷⴷ ⴰⵢⵓⴱ, ⵉⵏⵏⴰ:
2 ⵎⴻⵛⵃⴰⵍ ⵄⴰⴷ ⵉ ⵖⴰ ⵜⴻⴽⴽⴻⵎ
3 ⵍⴻⵅⵅⵓ ⵄⴰⴷ ⵡⵉⵙⵙ ⵄⴻⵛⵔⴰ ⵏ ⵜⵡⴰⵍⴰⵡⵉⵏ
4 ⵎⴰⵍⴰ ⵙ ⵜⵉⴷⴻⵜⵜ ⵡⴻⴷⴷⴰⵔⴻⵖ,
5 ⵎⴰⵍⴰ ⵙ ⵜⵉⴷⴻⵜⵜ ⵜⴻⵅⵙⴻⵎ ⴰⴷ ⵅⴰⴼⵉ ⵜⴻⵙⵙⴳⴻⵄⵄⴷⴻⵎ
6 ⵙⵏⴻⵎ ⵅⴻⵏⵏⵉ, ⴰⵇⴰ ⴰⵔⴻⴱⴱⵉ ⵉⵏⵏⴻⵇⵍⴻⴱ ⵅⴰⴼⵉ,
7 ⵅⵣⴰⵔ, ⵙⵖⵓⵢⵢⵓⵖ: ‘ⵍⴻⵅⵛⵓⵏⴻⵜ!’,
8 ⴰⴱⵔⵉⴷ ⵉⵏⵓ ⵉⵇⵇⴻⵏ ⵉ-ⵜ,
9 ⵍⵄⴻⵣⵣ ⵉⵏⵓ ⵉⴽⴻⵛⵛⴻⴹ ⵉ-ⵜ ⵣⵣⴰⵢⵉ,
10 ⵏⴻⵜⵜⴰ ⵢⴰⵔⴻⴷⴷⴻⴵ ⴰⵢⵉ ⵣⵉ ⵎⴰⵔⵔⴰ ⵉⵖⴻⵣⴷⵉⵙⴻⵏ,
11 ⴰⵖⴹⴰⴱ ⵏⵏⴻⵙ ⵢⴰⵔⵖⴰ ⴷⴰⵢⵉ,
12 ⵎⵓⵏⴻⵏⵜ ⴼⴼⵖⴻⵏⵜ-ⴷⴷ ⴱⴰⵏⴷⵉⵢⵢⴰⵜ ⵏⵏⴻⵙ,
13 ⴰⵢⵜⵎⴰ ⵉⵙⵙⵉⴳⴳⵯⴻⵊ ⵉ-ⵜⴻⵏ ⵅⴰⴼⵉ,
14 ⵉⵏⵏⵉ ⴷ ⴰⵢⵉ ⵉⵜⵜⴻⵄⵏⴰⵏ ⵊⵊⵉⵏ ⴰⵢⵉ,
15 ⵉⵎⵙⴻⵅⵅⴰⵔⴻⵏ ⵏ ⵜⴰⴷⴷⴰⵔⵜ ⵉⵏⵓ ⴷ ⵜⵉⵢⵢⴰ ⵉⵏⵓ
16 ⵍⴰⵖⵉⵖ ⵉ ⵓⵎⵙⴻⵅⵅⴰⵔ ⵉⵏⵓ,
17 ⵍⴻⵄⵡⵉⵏ ⵏ ⵜⴻⵎⵡⴰⵔⵔⵉⵜ ⵏ ⵏⵏⴻⴼⵙ ⵉⵏⵓ
18 ⵄⴰⴷ ⵉⵃⵔⴰⵎⴻⵏ ⵉⵎⴻⵥⵢⴰⵏⴻⵏ ⵙⵙⴻⵃⵇⴰⵔⴻⵏ ⴰⵢⵉ.
19 ⵎⴰⵔⵔⴰ ⵉⵎⵎⴻⴷⴷⵓⴽⴽⴰⵍ ⵉⵏⵓ ⵉⵄⵉⵣⵣⴻⵏ
20 ⵖⴰⵔ ⵜⴻⵍⵎⴻⵛⵜ ⴷ ⵡⴻⵢⵙⵓⵎ ⵉⵏⵓ
21 ⵃⵉⵏⵏⴻⵎ ⵅⴰⴼⵉ, ⵃⵉⵏⵏⴻⵎ ⵅⴰⴼⵉ, ⴰ ⴽⴻⵏⵏⵉⵡ,
22 ⵎⴰⵢⴻⵎⵎⵉ ⴷ ⴰⵢⵉ ⵜⴹⴰⴼⴼⴰⵔⴻⵎ
23 ⵎⵍⵉ ⵓⵔⴰⵏ ⴰⵡⴰⵍⴻⵏ ⵉⵏⵓ,
24 ⵎⵍⵉ ⵜⵜⵡⴰⵏⴻⵇⵛⴻⵏ
25 ⵏⴻⵛⵛ ⵙⵙⵏⴻⵖ: ‘ⴰⵎⴻⴼⴷⵉ ⵉⵏⵓ ⵉⴷⴷⴰⵔ
26 ⵓ ⴰⵡⴰⵔⵏⵉ ⵍⴰⵎⵉ ⵉ ⵖⴰ ⵜᵉⵜⵜⵡⴰⵍⴱⴻⵣ
27 ⴰⴷ ⵜ ⵥⴰⵔⴻⵖ ⵣⵣⴰⵜⵉ,
28 ⵡⴰⵅⵅⴰ ⴰⵎⴻⵏⵏⵉ ⴽⴻⵏⵏⵉⵡ ⴰⴷ ⵜⵉⵏⵉⵎ:
29 ⴳⴳⵯⴻⴷⴻⵎ ⵣⵉ ⵙⵙⵉⴼ,