1 ⴱⵏⴰⴷⴻⵎ ⵉ ⴷⴷ-ⵉⵜⵜⵡⴰⵅⴻⵍⵇⴻⵏ
2 ⵏⴻⵜⵜⴰ ⵉⵖⴻⵎⵎⵉ ⴰⵎ ⵜⵏⴻⵡⵡⴰⵛⵜ,
3 ⵡⴰⵅⵅⴰ ⴰⵎⴻⵏⵏⵉ ⵜⴰⵔⴻⵣⵎⴻⴷ
4 ⵎⴰⵏ ⵡⴻⵏ ⵉⵣⴻⵎⵎⴰⵔⴻⵏ ⴰⴷ ⵉⵙⵙⵓⴼⴼⴻⵖ
5 ⵎⴰⵔⴰ ⵓⵙⵙⴰⵏ ⵏⵏⴻⵙ ⵓⵔⵉⵏ,
6 ⵏⴻⵇⵍⴻⴱ ⵅⴻⵏⵏⵉ ⵅⴰⵙ ⵎⴰⵃⴻⵏⴷ ⴰⴷ ⵢⴰⵔⴻⵢⵢⴻⵃ,
7 ⵎⴰⵖⴰⵔ ⵉ ⵜⵛⴻⵊⵊⴰⵔⵜ ⴰⵇⴰ ⴷⵉⵏ ⵄⴰⴷ ⵍⴰⵢⴰⵙ!
8 ⵡⴰⵅⵅⴰ ⵉⵡⵙⴰⵔ ⵡⴻⵥⵡⴰⵔ ⵏⵏⴻⵙ ⴷⵉ ⵜⴻⵎⵎⵓⵔⵜ,
9 ⴰⴷ ⵜⴻⵖⵎⵉ ⵜⵛⴻⵊⵊⴰⵔⵜ ⵄⴰⵡⴻⴷ
10 ⵎⴰⵛⴰ ⵎⴰⵍⴰ ⵉⵎⵎⵓⵜ ⵉⵊⵊ ⵏ ⵡⴻⵔⵢⴰⵣ, ⵉⴼⴻⵏⵏⴰ,
11 ⴰⵎⴰⵏ ⵜⵜⴻⴼⴼⵖⴻⵏ-ⴷⴷ ⵣⵉ ⵍⴻⴱⵃⴰⵔ,
12 ⵉⵣⵣⴻⵍ ⴱⵏⴰⴷⴻⵎ ⴷⵉⵏ, ⵡⴰⵔ ⵉⵜⵜⴻⴽⴽⴰⵔ ⵄⴰⴷ.
13 ⴰⵅ, ⵎⵍⵉ ⴷ ⴰⵢⵉ ⵖⴰ ⵜⴰⵔⵔⴻⴷ ⵖⴰⵔ ⵍⴰⵅⴰⵔⵜ,
14 ⵎⴰⵍⴰ ⵉⵊⵊ ⵏ ⵡⴻⵔⵢⴰⵣ ⵉⵎⵎⵓⵜ,
15 ⵎⴰⵍⴰ ⵅⴻⵏⵏⵉ ⵛⴻⴽ ⵜⵍⴰⵖⵉⴷ,
16 ⵎⴰⵛⴰ ⵍⴻⵅⵅⵓ ⵜⵃⴻⵙⵙⴱⴻⴷ ⵉⵚⵓⵔⴰⴼ ⵉⵏⵓ,
17 ⴰⵅⴻⵟⵟⵓ ⵉⵏⵓ ⵉⵜⵜⵡⴰⵛⴻⵎⵎⴻⵄ ⴷⵉ ⵜⵛⴻⵎⵎⵓⵙⵜ,
18 ⵡⴰⵀ, ⴰⴷⵔⴰⵔ ⵉⵡⴻⵟⵟⴰⵏ, ⵉⴼⴻⵙⵙⵉ,
19 ⴰⵎⴰⵏ ⵜⵜⴻⴷⴷⵣⴻⵏ ⵉⵥⵔⴰ,
20 ⵛⴻⴽ ⵜⴰⵔⴻⵏⵏⵉⴷ ⴷⴰⵢⴻⵙ ⵉ ⵍⴻⴱⴷⴰ, ⵅⴻⵏⵏⵉ ⵢⵓⵢⵓⵔ.
21 ⵎⴰⵍⴰ ⵉⵃⴻⵏⵊⵉⵔⴻⵏ ⵏⵏⴻⵙ ⵟⵟⴼⴻⵏ ⵛⵛⴰⵏ,
22 ⵎⴰⵛⴰ ⴰⵔⵔⵉⵎⴻⵜ ⵏⵏⴻⵙ ⵜᵉⵜⵜⵏⴻⵣⴱⴰⵔ