1 “ⴰⵡⴰⵔⵏⵉ ⵓⵢⴰ ⴰⴷ ⵉⵎⵙⴰⵔ, ⴰⵇⴰ ⵏⴻⵛⵛ ⴰⴷ ⵣⴻⴵⵄⴻⵖ ⴰⵔⵔⵓⵃ ⵉⵏⵓ ⵅ ⵎⴰⵔⵔⴰ ⴱⵏⴰⴷⴻⵎ ⵓ ⵉⵃⴻⵏⵊⵉⵔⴻⵏ ⵏⵡⴻⵎ ⴷ ⵢⴻⵙⵙⵉⵜⵡⴻⵎ ⴰⴷ ⵏⴻⴱⴱⴰⵏ, ⵉⵡⴻⵙⵙⵓⵔⴰ ⵏⵡⴻⵎ ⴰⴷ ⵓⵔⵊⴰⵏ ⵜⵉⵔⵊⴰ ⵓ ⵉⵃⵓⴷⵔⵉⵢⵢⴻⵏ ⵏⵡⴻⵎ ⴰⴷ ⵥⴰⵔⴻⵏ ⵉⵡⴻⵃⵃⴰⵏ.
2 ⴷⴻⴳ ⵡⵓⵙⵙⴰⵏ ⵏⵏⵉ ⵏⴻⵛⵛ ⴰⴷ ⴼⴰⵔⵔⵖⴻⵖ ⴰⵔⵔⵓⵃ ⵉⵏⵓ ⵓⵍⴰ ⵅ ⵉⵙⴻⵎⵖⴰⵏ ⵓ ⵅ ⵜⵉⵢⵢⴰ.
3 ⵏⴻⵛⵛ ⴰⴷ ⴳⴳⴻⵖ ⵍⵎⵓⵄⵊⵉⵣⴰⵜ ⴷⴻⴳ ⵉⵊⴻⵏⵡⴰⵏ ⵓ ⵅ ⵜⴻⵎⵎⵓⵔⵜ: ⵉⴷⴰⵎⵎⴻⵏ ⴷ ⵜⵎⴻⵙⵙⵉ ⴷ ⵉⵇⴻⵍⵍⵉⵊⴻⵏ ⵏ ⴷⴷⴻⵅⵅⴰⵏ.
4 ⵜⴰⴼⵓⵛⵜ ⴰⴷ ⵜⴻⴷⵡⴻⵍ ⴷ ⵜⴰⴵⴻⵙⵜ, ⵓ ⵜⴰⵣⵉⵔⵉ ⴰⴷ ⵜⴻⴷⵡⴻⵍ ⴷ ⵉⴷⴰⵎⵎⴻⵏ ⵇⴱⴻⵍ ⵎⴰ ⵉ ⴷⴷ ⵖⴰ ⵢⴰⵙ ⵡⴰⵙⵙ ⴰⵎⴻⵇⵇⵔⴰⵏ ⴷ ⵉⵙⵙⵉⴳⴳⵯⵉⴷⴻⵏ ⵏ ⵙⵉⴷⵉ.
5 ⴰⴷ ⵉⵎⵙⴰⵔ ⴰⵇⴰ ⴽⵓⵍ ⵉⵊⵊ ⵡⴻⵏⵏⵉ ⵉ ⵖⴰ ⵉⵍⴰⵖⴰⵏ ⵉⵙⴻⵎ ⵏ ⵙⵉⴷⵉ ⴰⴷ ⵉⵏⵊⴻⵎ, ⵎⴰⵖⴰⵔ ⵅ ⵡⴻⴷⵔⴰⵔ ⵏ ⵚⵉⵀⵢⵓⵏ ⵓ ⴷⵉ ⵓⵔⵛⴰⵍⵉⵎ ⴰⴷ ⵢⵉⵍⵉ ⵓⵙⴻⵏⵊⴻⵎ ⴰⵎ ⵎⴰⵎⵎⴻⵛ ⵉⵏⵏⴰ ⵙⵉⴷⵉ, ⵓ ⵖⴰⵔ ⵉⵏⵏⵉ ⵢⴰⵔⴻⵡⵍⴻⵏ ⵉ ⵅⴻⴼ ⵖⴰ ⵉⵍⴰⵖⴰ ⵙⵉⴷⵉ.”