1 ⵙ ⵓⵢⴻⵏⵏⵉ, ⴰ ⴰⵢⵜⵎⴰ ⵉⵎⵇⴻⴷⴷⴰⵙⴻⵏ, ⵉⵏⵏⵉ ⵉⵜⵜⵡⴰⵍⴰⵖⴰⵏ ⵙ ⵜⵍⴰⵖⵉⵜ ⵏ ⵓⵊⴻⵏⵏⴰ, ⵅⵣⴰⵔⴻⵎ ⵖⴰⵔ ⵔⵔⴰⵙⵓⵍ ⵡⴰⵏⵉⵜⴰ, ⵖⴰⵔ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ ⵏ ⵛⵛⵀⴰⴷⴻⵜ ⵏⵏⴻⵖ, ⵢⴰⵙⵓⵄ ⵍⵎⴰⵙⵉⵃ,
2 ⵡⴻⵏⵏⵉ ⴷ ⴰⵎⵜⵉⵇⵇⵉ ⵉ ⵡⴻⵏⵏⵉ ⵉ-ⵜ-ⵉ-ⴷⴷ-ⵉⵙⵙⴳⴻⵄⵄⴷⴻⵏ, ⴰⵎ ⵎⴰⵎⵎⴻⵛ ⵜⵓⵖⴰ ⵎⵓⵙⴰ ⴷ ⴰⵎⵜⵉⵇⵇⵉ ⴷⵉ ⵎⴰⵔⵔⴰ ⵜⴰⴷⴷⴰⵔⵜ ⵏⵏⴻⵙ.
3 ⵎⵉⵏⵣⵉ ⴰⵄⵓⴵⵉ ⵏ ⵡⴰⵏⵉⵜⴰ ⴷ ⴰⵎⴻⵇⵇⵔⴰⵏ ⵙ ⵡⴰⵟⵟⴰⵙ ⵅ ⵡⴻⵏⵏⵉ ⵏ ⵎⵓⵙⴰ, ⴰⵎ ⵛⵛⴰⵏ ⵏ ⵓⴱⴻⵏⵏⴰⵢ ⵏ ⵜⴰⴷⴷⴰⵔⵜ ⵉⵎⵖⴰⵔ ⵅ ⵛⵛⴰⵏ ⵏ ⵍⴻⴱⵏⵉ ⵏⵏⴻⵙ.
4 ⵎⵉⵏⵣⵉ ⵎⴰⵔⵔⴰ ⵜⴰⴷⴷⴰⵔⵜ ⵜᵉⵜⵜⵡⴰⴱⵏⴰ ⵣⴻⴳ ⵉⵊⵊⴻⵏ, ⵎⴰⵛⴰ ⵡⴻⵏⵏⵉ ⵉⴱⴻⵏⵏⴰⵏ ⵎⴰⵔⵔⴰ ⴷ ⴰⵔⴻⴱⴱⵉ.
5 ⵜᵉⵜⵜⵡⴰⵡⴻⴽⴽⴻⵍ ⵉ ⵎⵓⵙⴰ ⵎⴰⵔⵔⴰ ⵜⴰⴷⴷⴰⵔⵜ ⵏⵏⴻⵙ ⴰⵎ ⵉ ⵢⵉⵊⵊ ⵏ ⵓⵎⵙⴻⵅⵅⴰⵔ, ⵎⴰⵃⴻⵏⴷ ⴰⴷ ⵉⵛⵀⴻⴷ ⵅ ⵜⵎⴻⵙⵍⴰⵢⵉⵏ ⵎⵉⵏ ⵅⴻⴼ ⵖⴰ ⵉⵙⵙⵉⵡⴻⵍ ⵏⴻⵜⵜⴰ.
6 ⵎⴰⵛⴰ ⵍⵎⴰⵙⵉⵃ ⴰⵎ ⵎⵎⵉⵙ ⵉⵜⵜⵡⴰⴳⴳ ⵅ ⵜⴰⴷⴷⴰⵔⵜ ⵏⵏⴻⵙ, ⵓ ⵜⴰⴷⴷⴰⵔⵜ ⵏⵏⴻⵙ ⴷ ⵏⴻⵛⵛⵉⵏ, ⵎⴰⵍⴰ ⵏⴻⵇⵇⵉⵎ ⵏᵉⵜⵜⴻⵟⵟⴻⴼ ⴷⵉ ⵍⴰⵎⴰⵏ ⵓ ⴷⴻⴳ ⵓⵄⵓⴵⵉ ⵏ ⵓⵙⵉⵜⴻⵎ ⵏⵏⴻⵙ ⴰⵍ ⴰⵏⴻⴳⴳⴰⵔ.
7 ⵎⴰⵛⴰ ⵎⵉⵏⵣⵉ ⴰⵔⵔⵓⵃ ⵉⵇⴻⴷⴷⵙⴻⵏ ⵉⵏⵏⴰ ...
8 ⵡⴰⵔ ⵜⵜᵉⵙⵙⴻⵇⵙⵉⵃⴻⵎ ⵛⴰ ⵓⵍⴰⵡⴻⵏ ⵏⵡⴻⵎ
9 ⵓⵎⵉ ⴷ ⴰⵢⵉ ⵊⴰⵔⵔⴱⴻⵏ ⵍⴻⵊⴷⵓⴷ ⵏⵡⴻⵎ, ⵇⴻⴵⴱⴻⵏ \+tl ⴰⵢⵉ\+tl*,
10 ... ⵙ ⵓⵢⴰ ⵄⵉⴼⴼⴻⵖ ⵣⵉ ⵊⵊⵉⵍ ⵏⵏⵉ, ⵏⵏⵉⵖ:
11 ⴰⵍⴰⵎⵉ ⵊⵊⵓⴵⴻⵖ ⴷⴻⴳ ⵡⴻⵖⴹⴰⴱ ⵉⵏⵓ:
12 ⵙ ⵓⵢⴻⵏⵏⵉ, ⴰ ⴰⵢⵜⵎⴰ, ⵃⴹⴰⵎ ⵃⵉⵎⴰ ⵄⴻⵎⵎⴰⵔⵚ ⵡⴰⵔ ⵉⵜⵜⵉⵍⵉ ⵃⴻⴷ ⵣⵣⴰⵢⵡⴻⵎ ⵖⴰⵔⴻⵙ ⵓⵍ ⴷ ⴰⵄⴻⴼⴼⴰⵏ ⵉ ⵡⴰⵔ ⵉⵜⵜⵉⵎⵏⴻⵏ ⵓⵎⵉ ⵖⴰ ⵜⴰⴳⴳⵯⴻⵊⴻⵎ ⵅ ⴰⵔⴻⴱⴱⵉ ⵉⴷⴷⴰⵔⴻⵏ,
13 ⵎⴰⵛⴰ ⵇⴻⴵⴱⴻⵎ ⵉⵅⴻⴼ ⵏⵡⴻⵎ ⴽⵓⵍ ⴰⵙⵙ, ⴰⵍ ⴰⵙⵙ ⵓⵎⵉ ⵇⵇⴰⵔⴻⵏ: ‘ⴰⵙⵙ-ⴰ!’, ⵃⵉⵎⴰ ⵓⵍⴰ ⴷ ⵉⵊⵊ ⵣⵣⴰⵢⵡⴻⵎ ⵡⴰⵔ ⵉⵜⵜⴻⵇⵙⵉⵃ ⵛⴰ ⵙ ⵓⵖⴻⴽⴽⵡⵉ ⵏ ⴷⴷⴻⵏⴱ.
14 ⵎⵉⵏⵣⵉ ⵏⴻⵜⵜⵡⴰⵙⵙⵎⵓⵏ ⴰⵟⵟⴰⵙ ⴰⴽ-ⴷ ⵍⵎⴰⵙⵉⵃ ⵎⴰⵍⴰ ⵏⴻⵇⵇⵉⵎ ⵏⵛⴻⴱⴱⴰⵔ ⵣⴻⴳ ⵓⵎⴻⵣⵡⴰⵔ ⴰⵍ ⴰⵏⴻⴳⴳⴰⵔ ⴷⵉ ⵍⵄⴰⵀⴷ-ⴰ ⵉ ⴷⴰⵢⴻⵙ ⵍⴰⵎⴰⵏ.
15 ⵙ ⵓⵢⴰ ⵉⵜⵜⵡⴰⵏⵏⴰ ⴰⵎⵎⵓ:
16 ⵅⴻⵏⵏⵉ ⵎⵉⵏ ⵉⵄⵏⴰⵏ ⵏⵉⵜⵏⵉ ⵉⵏⵏⵉ ⵉⵙⵍⵉⵏ ⵜ, ⵅⴻⵏⵏⵉ ⵖⴻⵡⵡⵖⴻⵏ? ⵎⴰ ⵡⴰⵔ ⴵⵉⵏ ⵏⵉⵜⵏⵉ ⵎⴰⵔⵔⴰ ⴷ ⵉⵏⵏⵉ ⴷⴷ-ⵉⴼⴼⵖⴻⵏ ⵣⵉ ⵎⵉⵚⵔⴰ ⵙ ⵓⴼⵓⵙ ⵏ ⵎⵓⵙⴰ?
17 ⵣⵉ ⵎⴰⵏ ⵡⴻⵏ ⵉⵄⵉⴼⴼ ⵏⴻⵜⵜⴰ ⵅⴻⵏⵏⵉ ⴰⵔⴻⴱⵄⵉⵏ ⵏ ⵉⵙⴻⴳⴳⵯⵓⵙⴰ? ⵎⴰ ⵡⴰⵔ ⵉⴵⵉ ⵣⴻⴳ ⵢⵉⵏⵏⵉ ⵉⵅⴹⴰⵏ, ⵉⵏⵏⵉ ⵓⵎⵉ ⵉⵡⴹⴰⵏ ⵉⵖⵙⴰⵏ ⵏⵙⴻⵏ ⴷⵉ ⵍⴻⵅⵍⴰ?
18 ⵉ ⵓⵎⵉ ⵉⵊⵊⵓⴵ ⵏⴻⵜⵜⴰ, ⴱⴻⵍⵍⵉ ⵡⴰⵔ ⴷⴷ-ⵜⵜⵉⴷⴼⴻⵏ ⵛⴰ ⵖⴰⵔ ⴰⵔⵔⴰⵃⴻⵜ ⵏⵏⴻⵙ? ⵎⴰ ⵡⴰⵔ ⵉⴵⵉ ⵉ ⵢⵉⵏⵏⵉ ⵡⴰⵔ ⴷ ⴰⵙ ⵜⵜⵉⵇⵇⴻⵏ?
19 ⴰⵇⴰ ⵏⴻⵜⵜⵡⴰⵍⴰ ⴱⴻⵍⵍⵉ ⵏⵉⵜⵏⵉ ⵡⴰⵔ ⵣⴻⵎⵎⴰⵔⴻⵏ ⴰⴷ ⴰⴷⴼⴻⵏ ⵅ ⵙⵙⵉⴱⴱⴻⵜ ⵏ ⴱⵍⴰ ⵍ’ⵉⵎⴰⵏ ⵏⵙⴻⵏ.