1 ⴷⴻⴳ ⵡⵓⵙⵙⴰⵏ ⵉⵄⴷⵓⵏ ⵉⵙⵙⵉⵡⴻⵍ ⴰⵔⴻⴱⴱⵉ ⴷⵉ ⴽⵓⵍ ⵍⵡⴻⵇⵜ ⵓ ⴷⴻⴳ ⵡⴰⵟⵟⴰⵙ ⵏ ⵉⴱⵔⵉⴷⴻⵏ ⴰⴽ-ⴷ ⵍⴻⵊⴷⵓⴷ ⵏⵏⴻⵖ ⵙ ⵉⵏⴰⴱⵉⵢⵢⴻⵏ.
2 ⴷⴻⴳ ⵡⵓⵙⵙⴰⵏ-ⴰ ⵉⵏⴻⴳⴳⵓⵔⴰ ⴰⵇⴰ ⵉⵙⵙⵉⵡⴻⵍ-ⴷⴷ ⴰⴽⵉⴷⵏⴻⵖ ⵙ ⵎⵎⵉⵙ, ⵡⴻⵏⵏⵉ ⵉⴳⴳⴰ ⴷ ⴰⵡⵔⵉⵜ ⵏ ⴽⵓⵍⵛⵉ, ⵙ ⵡⴻⵏⵏⵉ ⵄⴰⵡⴻⴷ ⵉⴳⴳⴰ ⵣⵣⵎⴰⵏⴰⵜ.
3 ⵎⵉⵏⵣⵉ ⵏⴻⵜⵜⴰ ⴷ ⵜⴰⵍⴻⵍⵍⴻⵛⵜ ⵏ ⵓⵄⵓⴵⵉ ⵏⵏⴻⵙ ⵓⵍⴰ ⴷ ⵜⵜⴻⵙⵡⵉⵔⵜ ⵏ ⵙⵉⵎⴰⵏⵜ ⵏⵏⴻⵙ, ⵓ ⵏⴻⵜⵜⴰ ⴷ ⵡⴻⵏⵏⵉ ⵢⴰⵔⴻⴱⴱⵓⵏ ⵎⴰⵔⵔⴰ ⵜⵉⵎⴻⵙⵍⴰⵢⵉⵏ ⵙ ⵊⵊⴻⵀⴷ ⵏ ⵡⴰⵡⴰⵍ ⵏⵏⴻⵙ. ⴰⵇⴰ ⵏⴻⵜⵜⴰ ⵉⵙⵙⵉⵣⴷⴻⴳ ⴷⴷⵏⵓⴱ ⵏⵏⴻⵖ ⴷⵉ ⵟⵟⴱⵉⵄⴻⵜ ⵏ ⵢⵉⵅⴻⴼ ⵏⵏⴻⵙ, ⵓⵛⴰ ⵉⵔⵓⵃ ⵉⵇⵇⵉⵎ ⵖⴰⵔ ⵢⴻⴼⵓⵙ ⵏ ⵍⵄⴰⴹⵉⵎ ⴷⵉ ⵍⵓⵄⵍⴰ.
4 ⵏⴻⵜⵜⴰ ⵢⵓⵄⵍⴰ ⴰⵟⵟⴰⵙ ⵅ ⵍⵎⴰⵍⴰⴽⴰⵜ ⴰⵎ ⵉⵙⴻⵎ ⵉ ⵉⵟⵟⴻⴼ ⴷ ⵍⵡⴰⵔⵜ, ⴰⵇⴰ ⵉⵛⵏⴰ ⵅ ⵡⴻⵏⵏⵉ ⵏⵙⴻⵏ.
5 ⵎⵉⵏⵣⵉ ⵉ ⵎⴰⵏ ⵜⴻⵏ ⵣⵉ ⵍⵎⴰⵍⴰⴽⴰⵜ ⵉⵏⵏⴰ ⴰⵔⴻⴱⴱⵉ:
6 ⵓⵛⴰ ⵅⴻⵏⵏⵉ ⵅⵎⵉ ⴷⴷ-ⵉⵙⵙⵉⴷⴻⴼ ⴰⵎⴻⵏⵣⵓ ⵖⴰⵔ ⴷⴷⵓⵏⴻⵛⵜ, ⵉⵏⵏⴰ:
7 ⵎⴰⵛⴰ ⵅ ⵍⵎⴰⵍⴰⴽⴰⵜ ⵉⵏⵏⴰ:
8 ⵎⴰⵛⴰ ⵅ ⵎⵎⵉⵙ:
9 ⴰⵇⴰ ⵜⴻⵅⵙⴻⴷ ⵜⴰⵙⴻⴳⴷⴰ, ⵜⵛⴰⵔⵀⴻⴷ ⵍⵖⴰⵔ.
10 ⵓⵛⴰ ⵅⴻⵏⵏⵉ:
11 ⵉⵏⴰ ⴰⴷ ⵜⵜⵡⴰⵜⴻⵃⵃⴰⵏ, ⵎⴰⵛⴰ ⵛⴻⴽ ⴰⴷ ⵜⴷⵓⵎⴻⴷ,
12 ⴰⵎⴻⵛⵏⴰⵡ ⵉⵊⵊ ⵏ ⵓⵙⴻⵍⵀⴰⵎ ⴰⴷ ⵜⴻⵏ ⵜⵜⴹⴻⴼⵙⴻⴷ.
13 ⵎⴰⵛⴰ ⵉ ⵎⴰⵏ ⵜⴻⵏ ⵣⵉ ⵍⵎⴰⵍⴰⴽⴰⵜ ⵉⵏⵏⴰ ⵉⵊⵊ ⵏ ⵡⴰⵙⵙ:
14 ⵎⴰ ⵡⴰⵔ ⴵⵉⵏⵜ ⵏⵉⵜⴻⵏⵜⵉ ⴷ ⴰⵔⵔⵓⵃⴰⵜ ⵉ ⵜⵙⴻⵅⵅⴰⵔⵜ, ⵜⵜⵡⴰⵙⵙⴻⴽⴽⴻⵏⵜ-ⵉ-ⴷⴷ ⵃⵉⵎⴰ ⴰⴷ ⵙⴻⵅⵅⴰⵔⴻⵏⵜ ⵉ ⵢⵉⵏⵏⵉ ⵖⴰ ⵉⵡⴰⵔⵜⴻⵏ ⵜⵓⴷⴰⵔⵜ?