1 ⴰⵙⵙ ⵎⵉⵏ ⴷⵉ ⵉⴳⴳⴰ ⴰⵔⴻⴱⴱⵉ ⴰⴷⴰⵎ, ⵉⴳⴳⴰ ⵉ-ⵜ ⴷⵉ ⵚⵚⵉⴼⴻⵜ ⵏ ⴰⵔⴻⴱⴱⵉ.
2 ⴰⵡⵜⴻⵎ ⴷ ⵜⴻⵡⵜⴻⵎⵜ ⵉⵅⵍⴻⵇ ⵉ-ⵜⴻⵏ-ⴷⴷ. ⵉⴱⴰⵔⴽ ⵉ-ⵜⴻⵏ ⵓⵛⴰ ⵉⵍⴰⵖⴰ ⴰⵙⴻⵏ ⵙ ⵢⵉⵙⴻⵎ ‘ⴰⴷⴰⵎ’, ⴱⵏⴰⴷⴻⵎ, ⴷⴻⴳ ⵡⴰⵙⵙ ⵉ ⴷⵉ ⵜⴻⵏ ⴷⴷ-ⵉⵅⵍⴻⵇ.
3 ⴰⵡⴰⵔⵏⵉ ⵍⴰⵎⵉ ⵉⴷⴷⴰⵔ ⴰⴷⴰⵎ ⵎⵢⴰ ⵓ-ⵜⵍⴰⵜⵉⵏ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⴰⵃⴻⵏⵊⵉⵔ ⴷⴻⴳ ⵡⴰⵔⵡⴰⵙ ⵏⵏⴻⵙ ⵓ ⴷⵉ ⵚⵚⵉⴼⴻⵜ ⵏⵏⴻⵙ ⵓⵛⴰ ⵉⵍⴰⵖⴰ ⴰⵙ ⵛⵉⵜ.
4 ⴰⵡⴰⵔⵏⵉ ⵍⴰⵎⵉ ⴷⴷ-ⵉⵊⵊⴰ ⵛⵉⵜ, ⵉⴷⴷⴰⵔ ⴰⴷⴰⵎ ⵄⴰⴷ ⵜⴻⵎⵏ-ⵎⵢⴰ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵉⵃⴻⵏⵊⵉⵔⴻⵏ ⴷ ⵜⵃⴻⵏⵊⵉⵔⵉⵏ.
5 ⴰⵎⵎⵓ ⵉ ⵉⴷⴷⴰⵔ ⴰⴷⴰⵎ ⵜⴻⵙⵄⴰ-ⵎⵢⴰ ⵓ-ⵜⵍⴰⵜⵉⵏ ⵏ ⵉⵙⴻⴳⴳⵯⵓⵙⴰ ⵓⵛⴰ ⵉⵎⵎⵓⵜ.
6 ⴰⵡⴰⵔⵏⵉ ⵍⴰⵎⵉ ⵉⴷⴷⴰⵔ ⵛⵉⵜ ⵎⵢⴰ ⵓ-ⵅⴻⵎⵙⴰ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⴰⵏⵓⵛ.
7 ⴰⵡⴰⵔⵏⵉ ⵍⴰⵎⵉ ⴷⴷ-ⵉⵊⵊⴰ ⴰⵏⵓⵛ, ⵉⴷⴷⴰⵔ ⵛⵉⵜ ⵄⴰⴷ ⵜⴻⵎⵏ-ⵎⵢⴰ ⵓ-ⵙⴻⴱⵄⴰ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵉⵃⴻⵏⵊⵉⵔⴻⵏ ⴷ ⵜⵃⴻⵏⵊⵉⵔⵉⵏ.
8 ⴰⵎⵎⵓ ⵉ ⵉⴷⴷⴰⵔ ⵛⵉⵜ ⵜⴻⵙⵄⴰ-ⵎⵢⴰ ⵓ-ⵜⴻⵏⵄⴰⵛ ⵏ ⵉⵙⴻⴳⴳⵯⵓⵙⴰ ⵓⵛⴰ ⵉⵎⵎⵓⵜ.
9 ⴰⵡⴰⵔⵏⵉ ⵍⴰⵎⵉ ⵉⴷⴷⴰⵔ ⴰⵏⵓⵛ ⵜⴻⵙⵄⵉⵏ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵇⵉⵏⴰⵏ.
10 ⴰⵡⴰⵔⵏⵉ ⵍⴰⵎⵉ ⴷⴷ-ⵉⵊⵊⴰ ⵇⵉⵏⴰⵏ, ⵉⴷⴷⴰⵔ ⴰⵏⵓⵛ ⵄⴰⴷ ⵜⴻⵎⵏ-ⵎⵢⴰ ⵓ-ⵅⴻⵎⵎⴻⵙⵟⴰⵛ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵉⵃⴻⵏⵊⵉⵔⴻⵏ ⴷ ⵜⵃⴻⵏⵊⵉⵔⵉⵏ.
11 ⴰⵎⵎⵓ ⵉ ⵉⴷⴷⴰⵔ ⴰⵏⵓⵛ ⵜⴻⵙⵄⴰ-ⵎⵢⴰ ⵓ-ⵅⴻⵎⵙⴰ ⵏ ⵉⵙⴻⴳⴳⵯⵓⵙⴰ ⵓⵛⴰ ⵉⵎⵎⵓⵜ.
12 ⴰⵡⴰⵔⵏⵉ ⵍⴰⵎⵉ ⵉⴷⴷⴰⵔ ⵇⵉⵏⴰⵏ ⵙⴻⴱⵄⵉⵏ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵎⴰⵀⴰⵍⴰⵍ-ⵉⵍ.
13 ⴰⵡⴰⵔⵏⵉ ⵍⴰⵎⵉ ⴷⴷ-ⵉⵊⵊⴰ ⵎⴰⵀⴰⵍⴰⵍ-ⵉⵍ, ⵉⴷⴷⴰⵔ ⵇⵉⵏⴰⵏ ⵄⴰⴷ ⵜⴻⵎⵏ-ⵎⵢⴰ ⵓ-ⵔⴻⴱⵄⵉⵏ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵉⵃⴻⵏⵊⵉⵔⴻⵏ ⴷ ⵜⵃⴻⵏⵊⵉⵔⵉⵏ.
14 ⴰⵎⵎⵓ ⵉ ⵉⴷⴷⴰⵔ ⵇⵉⵏⴰⵏ ⵜⴻⵙⵄⴰ-ⵎⵢⴰ ⵓ-ⵄⴻⵛⵔⴰ ⵏ ⵉⵙⴻⴳⴳⵯⵓⵙⴰ ⵓⵛⴰ ⵉⵎⵎⵓⵜ.
15 ⴰⵡⴰⵔⵏⵉ ⵍⴰⵎⵉ ⵉⴷⴷⴰⵔ ⵎⴰⵀⴰⵍⴰⵍ-ⵉⵍ ⵅⴻⵎⵙⴰ ⵓ-ⵙⴻⵜⵜⵉⵏ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵢⴰⵔⴰⴷ.
16 ⴰⵡⴰⵔⵏⵉ ⵍⴰⵎⵉ ⴷⴷ-ⵉⵊⵊⴰ ⵢⴰⵔⴰⴷ, ⵉⴷⴷⴰⵔ ⵎⴰⵀⴰⵍⴰⵍ-ⵉⵍ ⵄⴰⴷ ⵜⴻⵎⵏ-ⵎⵢⴰ ⵓ-ⵜⵍⴰⵜⵉⵏ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵉⵃⴻⵏⵊⵉⵔⴻⵏ ⴷ ⵜⵃⴻⵏⵊⵉⵔⵉⵏ.
17 ⴰⵎⵎⵓ ⵉ ⵉⴷⴷⴰⵔ ⵎⴰⵀⴰⵍⴰⵍ-ⵉⵍ ⵜⴻⵎⵏ-ⵎⵢⴰ ⵓ-ⵅⴻⵎⵙⴰ ⵓ-ⵜⴻⵙⵄⵉⵏ ⵏ ⵉⵙⴻⴳⴳⵯⵓⵙⴰ ⵓⵛⴰ ⵉⵎⵎⵓⵜ.
18 ⴰⵡⴰⵔⵏⵉ ⵍⴰⵎⵉ ⵉⴷⴷⴰⵔ ⵢⴰⵔⴰⴷ ⵎⵢⴰ ⵓ-ⵜⵏⴰⵢⴻⵏ ⵓ-ⵙⴻⵜⵜⵉⵏ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵃⴰⵏⵓⵅ.
19 ⴰⵡⴰⵔⵏⵉ ⵍⴰⵎⵉ ⴷⴷ-ⵉⵊⵊⴰ ⵃⴰⵏⵓⵅ, ⵉⴷⴷⴰⵔ ⵢⴰⵔⴰⴷ ⵄⴰⴷ ⵜⴻⵎⵏ-ⵎⵢⴰ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵉⵃⴻⵏⵊⵉⵔⴻⵏ ⴷ ⵜⵃⴻⵏⵊⵉⵔⵉⵏ.
20 ⴰⵎⵎⵓ ⵉ ⵉⴷⴷⴰⵔ ⵢⴰⵔⴰⴷ ⵜⴻⵙⵄⴰ-ⵎⵢⴰ ⵓ-ⵜⵏⴰⵢⴻⵏ ⵓ-ⵙⴻⵜⵜⵉⵏ ⵏ ⵉⵙⴻⴳⴳⵯⵓⵙⴰ ⵓⵛⴰ ⵉⵎⵎⵓⵜ.
21 ⴰⵡⴰⵔⵏⵉ ⵍⴰⵎⵉ ⵉⴷⴷⴰⵔ ⵃⴰⵏⵓⵅ ⵅⴻⵎⵙⴰ ⵓ-ⵙⴻⵜⵜⵉⵏ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵎⴰⵜⵓⵛⴰⵍⴰⵃ.
22 ⴰⵡⴰⵔⵏⵉ ⵍⴰⵎⵉ ⴷⴷ-ⵉⵊⵊⴰ ⵎⴰⵜⵓⵛⴰⵍⴰⵃ, ⵢⵓⵢⵓⵔ ⵃⴰⵏⵓⵅ ⴰⴽ-ⴷ ⴰⵔⴻⴱⴱⵉ ⵜⴻⵍⵜ-ⵎⵢⴰ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵉⵃⴻⵏⵊⵉⵔⴻⵏ ⴷ ⵜⵃⴻⵏⵊⵉⵔⵉⵏ.
23 ⴰⵎⵎⵓ ⵉ ⵉⴷⴷⴰⵔ ⵃⴰⵏⵓⵅ ⵜⴻⵍⵜ-ⵎⵢⴰ ⵓ-ⵅⴻⵎⵙⴰ ⵓ-ⵙⴻⵜⵜⵉⵏ ⵏ ⵉⵙⴻⴳⴳⵯⵓⵙⴰ.
24 ⵢⵓⵢⵓⵔ ⵃⴰⵏⵓⵅ ⴰⴽ-ⴷ ⴰⵔⴻⴱⴱⵉ ⵓⵛⴰ ⵡⴰⵔ ⵉⵜⵜⵡⵉⴼ ⵄⴰⴷ ⵎⵉⵏⵣⵉ ⴰⵔⴻⴱⴱⵉ ⵉⴽⵙⵉ ⵉ-ⵜ.
25 ⴰⵡⴰⵔⵏⵉ ⵍⴰⵎⵉ ⵉⴷⴷⴰⵔ ⵎⴰⵜⵓⵛⴰⵍⴰⵃ ⵎⵢⴰ ⵓ-ⵙⴻⴱⵄⴰ ⵓ-ⵜⵎⴰⵏⵢⵉⵏ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵍⴰⵎⴰⴽ.
26 ⴰⵡⴰⵔⵏⵉ ⵍⴰⵎⵉ ⴷⴷ-ⵉⵊⵊⴰ ⵍⴰⵎⴰⴽ, ⵉⴷⴷⴰⵔ ⵎⴰⵜⵓⵛⴰⵍⴰⵃ ⵄⴰⴷ ⵙⴻⴱⵄⴰ-ⵎⵢⴰ ⵓ-ⵜⵏⴰⵢⴻⵏ ⵓ-ⵜⵎⴰⵏⵢⵉⵏ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵉⵃⴻⵏⵊⵉⵔⴻⵏ ⴷ ⵜⵃⴻⵏⵊⵉⵔⵉⵏ.
27 ⴰⵎⵎⵓ ⵉ ⵉⴷⴷⴰⵔ ⵎⴰⵜⵓⵛⴰⵍⴰⵃ ⵜⴻⵙⵄⴰ-ⵎⵢⴰ ⵓ-ⵜⴻⵙⵄⴰ ⵓ-ⵙⴻⵜⵜⵉⵏ ⵏ ⵉⵙⴻⴳⴳⵯⵓⵙⴰ ⵓⵛⴰ ⵉⵎⵎⵓⵜ.
28 ⴰⵡⴰⵔⵏⵉ ⵍⴰⵎⵉ ⵉⴷⴷⴰⵔ ⵍⴰⵎⴰⴽ ⵎⵢⴰ ⵓ-ⵜⵏⴰⵢⴻⵏ ⵓ-ⵜⵎⴰⵏⵢⵉⵏ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵉⵊⵊ ⵏ ⵓⵃⴻⵏⵊⵉⵔ.
29 ⵉⵍⴰⵖⴰ ⵉⵙⴻⵎ ⵏⵏⴻⵙ ⵏⵓⵃ, ⵉⵏⵏⴰ: “ⵡⴰ ⴰⴷ ⴰⵏⴻⵖ ⵉⵙⵙⴼⴻⵡⵡⴻⵊ ⵅ ⵍⵅⴻⴷⵎⴻⵜ ⵏⵏⴻⵖ ⴷ ⵜⴰⵎⴰⵔⴰ ⵏ ⵉⴼⴰⵙⵙⴻⵏ ⵏⵏⴻⵖ, ⵎⵉⵏⵣⵉ ⵙⵉⴷⵉ ⴰⵇⴰ ⵉⵏⵄⴻⵍ ⵜⴰⵎⵎⵓⵔⵜ!”
30 ⴰⵡⴰⵔⵏⵉ ⵍⴰⵎⵉ ⴷⴷ-ⵉⵊⵊⴰ ⵏⵓⵃ, ⵉⴷⴷⴰⵔ ⵍⴰⵎⴰⴽ ⵄⴰⴷ ⵅⴻⵎⵙⴰ-ⵎⵢⴰ ⵓ-ⵅⴻⵎⵙⴰ ⵓ-ⵜⴻⵙⵄⵉⵏ ⵏ ⵉⵙⴻⴳⴳⵯⵓⵙⴰ, ⵉⵊⵊⴰ-ⴷⴷ ⵉⵃⴻⵏⵊⵉⵔⴻⵏ ⴷ ⵜⵃⴻⵏⵊⵉⵔⵉⵏ.
31 ⴰⵎⵎⵓ ⵉ ⵉⴷⴷⴰⵔ ⵍⴰⵎⴰⴽ ⵙⴻⴱⵄⴰ-ⵎⵢⴰ ⵓ-ⵙⴻⴱⵄⴰ ⵓ-ⵙⴻⴱⵄⵉⵏ ⵏ ⵉⵙⴻⴳⴳⵯⵓⵙⴰ ⵓⵛⴰ ⵉⵎⵎⵓⵜ.
32 ⴰⵡⴰⵔⵏⵉ ⵍⴰⵎⵉ ⵉⴷⴷⴰⵔ ⵏⵓⵃ ⵅⴻⵎⵙⴰ-ⵎⵢⴰ ⵏ ⵉⵙⴻⴳⴳⵯⵓⵙⴰ, ⵏⵓⵃ ⵉⵊⵊⴰ-ⴷⴷ ⵛⴰⵎ ⴷ ⵃⴰⵎ ⴷ ⵢⴰⴼⴰⵜ.