1 ⵉⵣⴰⵏ ⵉⵏⴻⵇⵇⴻⵏ ⵜⵜⴰⵔⵔⴰⵏ ⵣⵣⴻⵛⵜ ⵏ ⵡⴻⴷⵀⴰⵏ ⵏ ⵓⵄⴻⵟⵟⴰⵔ ⴰⴷ ⵜⴰⵔⵚⵓⴹ ⵓ ⴰⴷ ⵜⴻⵙⵎⴻⵎ. ⴷⵔⵓⵙ ⵏ ⵜⵓⴱⴱⵓⵀⴻⵍⵢⴰ ⵜⵡⴻⵣⵣⴻⵏ ⴰⵟⵟⴰⵙ ⵅ ⵜⵉⵖⵉⵜ ⴷ ⵛⵛⴰⵏ.
2 ⵓⵍ ⵏ ⵓⵎⵉⵖⵉⵙ ⴰⵇⴰ-ⵜ ⵉ ⵏⴻⵜⵜⴰ ⴰⴼⵓⵙ ⵏⵏⴻⵙ ⴰⴼⵓⵙⵉ, ⵎⴰⵛⴰ ⵓⵍ ⵏ ⵓⴱⵓⵀⴰⵍⵉ ⵉ ⵡⴰⵏⵉⵜⴰ ⴰⴼⵓⵙ ⵏⵏⴻⵙ ⴰⵣⴻⵍⵎⴰⴹ.
3 ⵓⵍⴰ ⴷⴻⴳ ⵡⴻⴱⵔⵉⴷ ⵎⵉⵏ ⵅⴻⴼ ⵉⴳⴳⵓⵔ ⵓⴱⵓⵀⴰⵍⵉ, ⵓⵍ ⵏⵏⴻⵙ ⵡⴰⵔ ⵉⵎⵜⵉⵏ, ⵉⵇⵇⴰⵔ ⵉ ⵎⴰⵔⵔⴰ ⴰⵇⴰ ⵏⴻⵜⵜⴰ ⴷ ⴰⴱⵓⵀⴰⵍⵉ.
4 ⵎⴰⵍⴰ ⵅⴰⴽ ⵉⵅⴻⵢⵢⴻⵇ ⴱⵓⵃⴱⴻⵍ ⵏ ⴱⵓ-ⵊⵊⴻⵀⴷ, ⵡⴰⵔ ⵜⵜⴻⴳⴳⵯⵉⵊ ⵅ ⵡⴻⵎⵛⴰⵏ ⵏⵏⴻⵛ, ⵎⴰⵖⴰⵔ ⵎⴰⵏ ⴰⵢⴰ ⴷ ⴷⴷⵡⴰ, ⵢⴰⵔⴻⵙⵙⴰ ⴷⴷⵏⵓⴱ ⵉⵎⴻⵇⵇⵔⴰⵏⴻⵏ.
5 ⴰⵇⴰ ⴷⵉⵏ ⵉⵊⵊ ⵏ ⵍⵖⴰⵔ ⵏⵏⴻⵖⵏⵉ ⵏⵏⵉ ⵥⵔⵉⵖ ⵙⴰⴷⵓ ⵜⴼⵓⵛⵜ, ⴰⵇⴰ-ⵜ ⴷ ⵉⵊⵊ ⵏ ⵓⵡⴻⴷⴷⴰⵔ ⵉ ⴷⴷ-ⵉⴼⴼⵖⴻⵏ ⵣⴻⴳ ⵉⵊⵊ ⵏ ⴱⵓ-ⵚⵚⵓⵍⵟⴰ:
6 ⴰⵙⴳⴻⵄⵄⴰⴷ ⴰⵟⵟⴰⵙ ⵏ ⵜⵓⴱⴱⵓⵀⴻⵍⵢⴰ, ⴰⵎ ⵜⵜⵖⵉⵎⴰⵏ ⴰⵢⵜ ⵏ ⴱⵓ-ⵡⴰⴳⵍⴰ ⵙⵡⴰⴷⴷⴰⵢ.
7 ⵏⴻⵛⵛ ⵥⵔⵉⵖ ⵉⵎⵙⴻⵅⵅⴰⵔⴻⵏ ⵏⵢⵉⵏ ⵅ ⵢⴻⵢⵙⴰⵏ ⵓⵍⴰ ⴷ ⵍⵃⵓⴽⴽⴰⵎ ⵏⵏⵉ ⵉⴳⴳⵓⵔⴻⵏ ⴰⵎ ⵢⵉⵎⵙⴻⵅⵅⴰⵔⴻⵏ ⵅ ⵉⴹⴰⵔⴻⵏ ⵏⵙⴻⵏ ⵅ ⵜⴻⵎⵎⵓⵔⵜ.
8 ⵡⴻⵏⵏⵉ ⵉⵜⵜⴻⵇⵇⴰⵣⴻⵏ ⴰⵃⴼⵓⵔ, ⴰⴷ ⴷⴰⵢⴻⵙ ⵉⵡⴹⴰ ⵙ ⵢⵉⵅⴻⴼ ⵏⵏⴻⵙ, ⵡⴻⵏⵏⵉ ⵉⵙⵙⵏⵓⵇⵇⴱⴻⵏ ⵍⵃⵉⴹ, ⵉⵣⴻⵎⵎⴰⵔ ⴰⴷ ⴰⵙ ⵉⵇⵇⴻⵙ ⵓⴼⵉⵖⴰⵔ.
9 ⵡⴻⵏⵏⵉ ⵉⴽⴽⵙⴻⵏ ⵉⵥⵔⴰ, ⴰⴷ ⵣⵣⴰⵢⵙⴻⵏ ⵉⵢⵣⴻⵎ ⵉⵅⴻⴼ ⵏⵏⴻⵙ, ⵡⴻⵏⵏⵉ ⵉⵜⵜⴼⴻⵜⵜⵇⴻⵏ ⴰⴽⴻⵛⵛⵓⴹ, ⴰⴷ ⵢⵉⵍⵉ ⴷⵉ ⵍⵅⴰⵟⴰⵔ.
10 ⵎⴰⵍⴰ ⵓⵣⵣⴰⵍ ⵏ ⵛⵛⴰⵇⵓⵔ ⵉⴷⵡⴻⵍ ⵉⵃⴼⴰ ⵓ ⴱⴰⴱ ⵏⵏⴻⵙ ⵡⴰⵔ ⵜ ⵉⵙⵙⴻⵇⴹⴻⵄ, ⵅⴻⵏⵏⵉ ⵉⵜⵜⵅⴻⵚⵚⴰ ⴰⵙ ⵊⵊⵀⴻⴷ ⴽⵜⴰⵔ, ⵎⴰⵛⴰ ⵜⵉⵖⵉⵜ ⵜⴻⵛⵏⴰ ⴰⵟⵟⴰⵙ ⵃⵉⵎⴰ ⴰⴷ ⵉⴼⵍⴻⵃ ⴱⵏⴰⴷⴻⵎ.
11 ⵎⴰⵍⴰ ⵉⵣⵄⴻⴼ ⵓⴼⵉⵖⴰⵔ ⵇⴱⴻⵍ ⴰⵄⴻⵣⵣⴻⵎ, ⵡⴰⵔ ⴷⵉⵏ ⵍⴻⴼⴹⴻⵍ ⵉ ⵓⵄⴻⵣⵣⴰⵎ.
12 ⴰⵡⴰⵍⴻⵏ ⵣⴻⴳ ⵓⵇⴻⵎⵎⵓⵎ ⵏ ⵓⵎⵉⵖⵉⵙ ⴷⴰⵢⵙⴻⵏ ⴰⵔⴹⴰ, ⵎⴰⵛⴰ ⵉⵢⴻⵏⵛⵉⵛⴻⵏ ⵏ ⵓⴱⵓⵀⴰⵍⵉ ⵚⴰⵔⴹⴻⵏ ⵜ ⵙⵉⵎⴰⵏⵜ ⵏⵏⴻⵙ.
13 ⴱⴻⴷⴷⵓ ⵏ ⵡⴰⵡⴰⵍⴻⵏ ⵣⴻⴳ ⵓⵇⴻⵎⵎⵓⵎ ⵏⵏⴻⵙ ⴷ ⵜⵓⴱⴱⵓⵀⴻⵍⵢⴰ ⵓ ⴰⵏⴻⴳⴳⴰⵔⵓ ⵏ ⵎⵉⵏ ⴷⴷ-ⵉⴼⴼⵖⴻⵏ ⵣⴻⴳ ⵓⵇⴻⵎⵎⵓⵎ ⵏⵏⴻⵙ ⴷ ⴰⵟⴻⵎⵎⴻⵙ ⴰⵄⴻⴼⴼⴰⵏ.
14 ⴰⴱⵓⵀⴰⵍⵉ ⵉⵜⵜⴽⴻⵜⵜⴰⵔ ⵍⵀⴰⵔⴷ ⴰⵟⵟⴰⵙ, ⵎⴰⵛⴰ ⴱⵏⴰⴷⴻⵎ ⵡⴰⵔ ⵉⵙⵙⵉⵏ ⵎⵉⵏ ⵖⴰ ⵉⵎⵙⴰⵔⴻⵏ, ⵓ ⵎⵉⵏ ⵖⴰ ⵉⵎⵙⴰⵔⴻⵏ ⴰⵡⴰⵔⵏⵉ ⴰⵙ, ⵡⵉ ⴷ ⴰⵙ ⵜ ⵉ ⵖⴰ ⵉⵄⴰⵡⴷⴻⵏ?
15 ⴰⵎⴰⵔⵔⴻⵜ ⵏ ⵉⴱⵓⵀⴰⵍⵉⵢⵢⴻⵏ ⵉⵜⵜⴰⵔⵔⴰ ⵉ-ⵜⴻⵏ ⵓⵃⵍⴻⵏ, ⵎⴰⵖⴰⵔ ⵏⵉⵜⵏⵉ ⵡⴰⵔ ⵙⵙⵉⵏⴻⵏ ⵎⴰⵎⵎⴻⵛ ⵖⴰ ⵢⵓⵢⵓⵔⴻⵏ ⵖⴰⵔ ⵜⴻⵏⴷⵉⵏⵜ.
16 ⵓⵛⵜ ⵅⴰⵎ, ⴰ ⵜⴰⵎⵎⵓⵔⵜ, ⵎⴰⵍⴰ ⴰⵊⴻⴵⵉⴷ ⵏⵏⴻⵎ ⴷ ⴰⵃⴻⵏⵊⵉⵔ ⵄⴰⴷ, ⵓ ⵍⵃⵓⴽⴽⴰⵎ ⵏⵏⴻⵎ ⵖⴰⵔ ⵜⴻⴼⴼⵓⵜ ⵜⵜᵉⵜⵜⴻⵏ!
17 ⵙⵙⴻⵄⴷ ⵏⵏⴻⵎ, ⴰ ⵜⴰⵎⵎⵓⵔⵜ, ⵎⴰⵍⴰ ⴰⵊⴻⴵⵉⴷ ⵏⵏⴻⵎ ⴷ ⵎⵎⵉⵙ ⵏ ⵜⴰⵔⵡⴰ ⵏ ⵜⴰⵚⵉⵍⴻⵜ, ⵓ ⵍⵃⵓⴽⴽⴰⵎ ⵏⵏⴻⵎ ⵜⵜᵉⵜⵜⴻⵏ ⵖⴰⵔ ⵍⵡⴻⵇⵜ ⵉⵜⵜⵡⴰⴳⴳⴻⵏ, ⵎⴰⵃⴻⵏⴷ ⴰⴷ ⵜⵜⵡⴰⵎⴻⵃⴷⴻⵏ, ⵡⴰⵔ ⵉⴵⵉ ⵎⴰⵃⴻⵏⴷ ⴰⴷ ⵙⴽⴰⵔⴻⵏ.
18 ⵙ ⵍⴻⵄⴳⴻⵣ ⵉ ⵀⴻⴽⴽⵡⴰⵏⵜ ⵜⵉⵃⴻⵏⵢⴰ ⵓ ⵙ ⵉⴼⴰⵙⵙⴻⵏ ⵢⴰⵔⴻⵀⴼⴻⵏ ⴰⴷ ⵜⵓⴷⵓⵎ ⵜⴰⴷⴷⴰⵔⵜ.
19 ⴱⵏⴰⴷⴻⵎ ⵉⵜⵜⴻⴳⴳ ⴰⵖⵔⵓⵎ ⵎⴰⵃⴻⵏⴷ ⴰⴷ ⵉⴹⵃⴻⵛ, ⴱⵉⵏⵓ ⵉⵙⵙⴼⴰⵔⵔⴰⵃ ⵉⵏⵏⵉ ⵉⴷⴷⴰⵔⴻⵏ ⵓ ⵜⵎⴻⵏⵢⴰⵜ ⵏⴻⴼⴼⵄⴻⵏⵜ ⵉ ⵎⴰⵔⵔⴰ ⵎⵉⵏ ⵉⴵⴰⵏ.
20 ⵡⴰⵔ ⵏⴻⵄⵄⴻⵍ ⴰⵊⴻⴵⵉⴷ ⵄⴰⴷ ⴷⵉ ⵍⴱⴰⵍ ⵏⵏⴻⵛ, ⴷⴻⴳ ⵡⴻⵅⵅⴰⵎ ⵏ ⵢⵉⴹⴻⵚ ⵡⴰⵔ ⵏⴻⵄⵄⴻⵍ ⴱⵓ-ⵡⴰⴳⵍⴰ, ⵎⴰⵖⴰⵔ ⵉⵊⴹⴰⴹ ⵏ ⵓⵊⴻⵏⵏⴰ ⵣⴻⵎⵎⴰⵔⴻⵏ ⴰⴷ ⵙⵙⵓⵢⵓⵔⴻⵏ ⵍⵃⴻⵙⵙ ⵏ ⵡⴰⵡⴰⵍⴻⵏ ⵏⵏⴻⵛ ⵓ ⴰⵎⵎⵓ ⵎⴰⵔⵔⴰ ⵡⵉ ⵖⴰⵔ ⴵⴰⵏ ⵡⴰⴼⵔⵉⵡⴻⵏ ⵉⵣⴻⵎⵎⴰⵔ ⴰⴷ ⵉⵙⵙⴻⵄⴷⵓ ⴰⵡⴰⵍ.