1 ⵓⵛⴰ ⵥⵔⵉⵖ ⴷⴻⴳ ⵓⵊⴻⵏⵏⴰ ⵉⵛⵜ ⵏ ⵍⴻⵄⵍⴰⵎⴻⵜ ⵏⵏⴻⵖⵏⵉ, ⴷ ⵜⴰⵎⴻⵇⵇⵔⴰⵏⵜ ⴷ ⵜⴰⵏⴻⴱⵀⴻⵜ: ⵙⴻⴱⵄⴰ ⵏ ⵍⵎⴰⵍⴰⴽⴰⵜ ⵏⵏⵉ ⴷⴷ-ⵉⵡⵢⴻⵏ ⵙⴻⴱⵄⴰ ⵏ ⵊⵊⵔⴰⵢⴻⵃ ⵜⵉⵏⴻⴳⴳⵓⵔⴰ, ⵎⵉⵏⵣⵉ ⵉⴽⵎⴻⵍ ⵣⵣⴰⵢⵙⴻⵏⵜ ⵡⴻⵖⴹⴰⴱ ⵏ ⴰⵔⴻⴱⴱⵉ.
2 ⵓⵛⴰ ⵥⵔⵉⵖ ⵛⴰ ⵉⵜⵜⴻⵎⵛⴰⴱⴻⵀ ⴷⵉ ⵍⴻⴱⵃⴰⵔ ⵏ ⵣⵣⴰⵊ, ⵡⴻⵏⵏⵉ ⵉⵅⴻⴵⴹⴻⵏ ⴰⴽ-ⴷ ⵜⵎⴻⵙⵙⵉ, ⵓⵛⴰ ⵉⵏⵏⵉ ⵉⵖⴻⵍⵍⴱⴻⵏ ⵅ ⵍⵡⴻⵃⵛ ⴷ ⵍⴻⵅⵢⴰⵍ ⵏⵏⴻⵙ ⴷ ⵏⵏⵓⵎⵔⵓ ⵏ ⵢⵉⵙⴻⵎ ⵏⵏⴻⵙ, ⴱⴻⴷⴷⴻⵏ ⵅ ⵍⴻⴱⵃⴰⵔ ⵏ ⵣⵣⴰⵊ, ⵖⴰⵔⵙⴻⵏ ⵍⵀⴰⵔⴱⴰⵜ ⵏ ⴰⵔⴻⴱⴱⵉ.
3 ⵏⵉⵜⵏⵉ ⵖⴻⵏⵏⵊⴻⵏ ⵉⵣⵍⵉ ⵏ ⵓⵚⴻⴱⴱⴻⵃ ⵏ ⵎⵓⵙⴰ, ⴰⵎⵙⴻⵅⵅⴰⵔ ⵏ ⴰⵔⴻⴱⴱⵉ, ⴷ ⵢⴻⵣⵍⵉ ⵏ ⵓⵚⴻⴱⴱⴻⵃ ⵏ ⵢⴻⵣⵎⴰⵔ, ⵇⵇⴰⵔⴻⵏ:
4 ⵎⴰⵏ ⵡⴻⵏ ⵡⴰⵔ ⵛⴻⴽ ⵉⵜⵜⴻⴳⴳⵯⴻⴷⴻⵏ, \+tl ⴰ\+tl* ⵙⵉⴷⵉ,
5 ⴰⵡⴰⵔⵏⵉ ⴰⵙ ⵥⵔⵉⵖ, ⴰⵇⴰ ⵜⴻⵏⵏⵓⵔⵣⴻⵎ ⵣⵣⴰⵡⴻⵛⵜ ⵜⴰⵎⴻⵇⵇⵔⴰⵏⵜ ⵏ ⵜⵣⴻⴷⴷⵉⵖⵜ ⵏ ⵛⵛⵀⴰⴷⴻⵜ ⴷⴻⴳ ⵓⵊⴻⵏⵏⴰ
6 ⵓⵛⴰ ⵙⴻⴱⵄⴰ ⵏ ⵍⵎⴰⵍⴰⴽⴰⵜ ⵏⵏⵉ ⵖⴰⵔ ⴵⴰⵏⵜ ⵙⴻⴱⵄⴰ ⵏ ⵊⵊⵔⴰⵢⴻⵃ ⴼⴼⵖⴻⵏⵜ-ⵉ-ⴷⴷ ⵣⵉ ⵣⵣⴰⵡⴻⵛⵜ ⵜⴰⵎⴻⵇⵇⵔⴰⵏⵜ, ⵢⴰⵔⴹⴻⵏⵜ ⵍⴻⵇⵟⴻⵏ ⴰⵣⴷⴰⴷ ⵉⵣⴷⵉⴳⴻⵏ ⵉⵜⵜⵉⵙⵙⵉⵇⴻⵏ, ⵓⵛⴰ ⵖⴰⵔⵙⴻⵏ ⵅ ⵉⴷⵎⴰⵔⴻⵏ ⵉⵊⵊ ⵏ ⵡⴻⴱⵢⴰⵙ ⵏ ⵡⵓⵔⴻⵖ.
7 ⵓⵛⴰ ⵉⵊⵊⴻⵏ ⵣⵉ ⴰⵔⴻⴱⵄⴰ ⵏ ⵉⵎⵓⴷⴷⴰⵔⴻⵏ ⵉⵡⵛⴰ ⴰⵙⴻⵏ ⵉ ⵙⴻⴱⵄⴰ ⵏ ⵍⵎⴰⵍⴰⴽⴰⵜ ⵙⴻⴱⵄⴰ ⵏ ⵟⵟⴰⵡⵢⴰⵜ, ⵛⵛⵓⵔⴻⵏⵜ ⵙ ⵡⴻⵖⴹⴰⴱ ⵏ ⴰⵔⴻⴱⴱⵉ, ⵡⴻⵏⵏⵉ ⴷ ⵜⵓⴷⴰⵔⵜ ⵉ ⵍⴻⴱⴷⴰ ⵇⴰⵄ. “ⴰⵎⵉⵏ!”
8 ⵓⵛⴰ ⵜᵉⵜⵜⵡⴰⵄⴻⵎⵎⴰⵔ ⵣⵣⴰⵡⴻⵛⵜ ⵜⴰⵎⴻⵇⵇⵔⴰⵏⵜ ⵙ ⴷⴷⴻⵅⵅⴰⵏ ⵉ ⴷⴷ-ⵉⵜⵜⴻⴼⴼⵖⴻⵏ ⵣⴻⴳ ⵓⵄⵓⴵⵉ ⵏ ⴰⵔⴻⴱⴱⵉ ⵓ ⵣⵉ ⵊⵊⴻⵀⴷ ⵏⵏⴻⵙ. ⵓⵍⴰ ⴷ ⵉⵊⵊⴻⵏ ⵡⴰⵔ ⵉⵣⴻⵎⵎⴰⵔ ⴰⴷ ⴷⴷ-ⵢⴰⴷⴻⴼ ⵖⴰⵔ ⵣⵣⴰⵡⴻⵛⵜ ⵜⴰⵎⴻⵇⵇⵔⴰⵏⵜ ⴰⵍ ⵖⴰ ⴽⴽⴻⵏⵜ ⵇⴰⵄ ⵙⴻⴱⵄⴰ ⵏ ⵊⵊⵔⴰⵢⴻⵃ ⵜⵉⵏⵏⵉ ⴷⴷ-ⵉⵡⵢⴻⵏ ⵙⴻⴱⵄⴰ ⵏ ⵍⵎⴰⵍⴰⴽⴰⵜ.