1 أَركّْوَاڒغْ غَاركْ، أَ سِيذِي،
2 فكّْ أَيِي س ثْسڭْذَا نّشْ ؤُ أَرْخُو أَيِي.
3 إِڒِي ذ إِشْثْ ن ثصْضَارْثْ إِ ثْزذِّيغْثْ إِ نشّْ،
4 أَربِّي إِنُو، سنْجمْ أَيِي
5 مَاغَارْ شكْ ذ ڒَايَاسْ إِنُو،
6 زڭْ ؤُعذِّيسْ ن يمَّا،
7 إِ وَاطَّاسْ نشّْ أَمْ يِيشْثْ نْ ڒعْڒَامثْ ن ڒعْجبْ،
8 أجّْ أَقمُّومْ إِنُو أَذْ إِشُّورْ
9 وَارْ خَافِي تّْمنْضَارْ
10 مَاغَارْ ڒْعذْيَانْ إِنُو سَّاوَاڒنْ خَافِي،
11 نِيثْنِي قَّارنْ: ”أَربِّي إِسْمحْ ذَايسْ.
12 أَ أَربِّي، وَارْ تّْغِيمِي ثِيڭّْوجذْ خَافِي،
13 أجّْ إِغْرِيمنْ ن ثُوذَارْثْ إِنُو
14 نشّْ مَاشَا أَذْ قِّيمغْ تّْرَاجِيغْ شكْ ڒبْذَا،
15 أَقمُّومْ إِنُو أَذْ إِبَارّحْ
16 نشّْ أَذْ د-أَسغْ س ثْمڭَّا ثِيمقّْرَانِينْ
17 أَ أَربِّي، شكْ ثُوغَا ثسّڒْمَاذذْ أَيِي
18 أَ أَربِّي، وَارْ ذ أَيِي سمّحْ شَا،
19 أَ أَربِّي، ثَاسڭْذَا نّشْ
20 أَقَا شكْ ثجِّيذْ ثكَّا خَافِي
21 شكْ أَذْ ثَارِّيذْ ڒمْغَارثْ إِنُو أَذْ ثمْغَارْ،
22 أَذْ شكْ قَاذِيغْ عَاوذْ س لهَارْپَا،
23 إِينْشِيشنْ إِنُو أَذْ سْڒِيوْڒونْ،
24 ؤُڒَا ذ إِڒسْ إِنُو أَذْ إِحَاجَا