1 إِ ؤُمقّْرَانْ ن إِمغْنَاجنْ. س ثغْنِينْثْ ن ’ثْلِيلِّيشِينْ‘. ن ذَاوُوذْ.
2 سنْجمْ أَيِي، أَ أَربِّي،
3 نشّْغبِّيغْ ذڭْ ؤُبَارْيُوضْ يُودْجغْ،
4 نشّْ ؤُحْڒغْ س إِغُويَّانْ،
5 إِنِّي ذ أَيِي إِشَارّْهنْ خْ وَالُو
6 أَ أَربِّي، شكْ ثسّْنذْ ثُوبُّوهڒْيَا إِنُو،
7 أجّْ إِنِّي خَاكْ إِسِّيثِيمنْ، وَارْ تّْسضْحِينْ،
8 مَاغَارْ ذِي طّْوعْ نّشْ إِ كسِّيغْ أَسحْقَارْ،
9 ذوْڒغْ ذ أَغْرِيبْ غَارْ أَيْثْمَا،
10 مَاغَارْ ثُوسْمِي إِقدّْسنْ إِ ثَادَّارْثْ نّشْ
11 نشّْ رُوغْ غَارْ ؤُژُومِّي ن ڒعْمَارْ إِنُو،
12 نشّْ يَارْضغْ إِشْثْ ن ثْخَانْشثْ ن وشْضَانْ،
13 إِنِّي إِقِّيمنْ غَارْ ثوَّارْثْ ن ثنْذِينْثْ
14 نشّْ مَاشَا تّتَّارغْ غَاركْ، أَ سِيذِي!
15 جْبذْ أَيِي-د زڭْ ؤُبَارْيُوضْ،
16 وَارْ تّجِّي أَذْ أَيِي ثَاوِي ڒْحمْڒثْ،
17 أَرّْ خَافِي، أَ سِيذِي،
18 وَارْ تّفَّارْ شَا ؤُذمْ نّشْ
19 أَذسْ أَيِي-د غَارْ ڒعْمَارْ إِنُو، فكّْ إِ-ث.
20 شكْ ثسّْنذْ ڒْعَارْ إِنُو
21 أَسحْقَارْ يَارْژْ أَيِي ؤُڒْ
22 نِيثْنِي ڭِّينْ سّمْ ذِي مَاشَّا إِنُو،
23 أجّْ طَّابْڒَا نْسنْ أَذْ ثذْوڒْ ذ ڒْفخْ،
24 سْذَارْغڒْ ثِيطَّاوِينْ نْسنْ،
25 زدْجعْ خَاسنْ أَسْخضْ نّشْ،
26 أجّْ ڒْمَارْڭحْ ن ثْزذِّيغْثْ نْسنْ
27 مَاغَارْ نِيثْنِي ذَارَّاشنْ خْ ورْيَازْ
28 أَرّْ دّنْبْ خْ دّنْبْ نْسنْ،
29 أجّْ إِ-ثنْ أَذْ تّْوَامْحَانْ
30 مَاشَا نشّْ أَقَا أَيِي
31 نشّْ أَذْ صبّْحغْ إِسمْ ن أَربِّي
32 أَيَا أَذْ يَارْضَا سِيذِي كْثَارْ
33 إِمْهِيننْ نِّي ت إِژْرِينْ، أَذْ فَارْحنْ،
34 مَاغَارْ سِيذِي إِتّسْڒَا غَارْ إِمزْڒَاضْ،
35 أجّْ إِجنْوَانْ ذ ثمُّورْثْ أَذْ ث سّمْغَارنْ،
36 مَاغَارْ أَربِّي أَذْ إِسّنْجمْ صِيهْيُونْ،
37 زَّارِيعثْ ن إِمْسخَّارنْ نّسْ