1 إِ ؤُمقّْرَانْ ن إِمغْنَاجنْ. أَزهّذْ ن ذَاوُوذْ.
2 نشّْ أَركّْوَاڒغْ غَاركْ، أَ سِيذِي،
3 أوْشْ أَيِي أَمزُّوغْ نّشْ، فكّْ أَيِي ذغْيَا.
4 مَاغَارْ شكْ ذ ثَاصْضَارْثْ إِنُو ذ لْبُورْجْ إِنُو.
5 فكّْ أَيِي زِي ثْرَاشَّا
6 ذڭْ ؤُفُوسْ نّشْ إِ ڭِّيغْ بُوحْبڒْ إِنُو.
7 نشّْ شَارّْهغْ إِنِّي إِتّْشغْڒنْ إِخفْ نْسنْ
8 نشّْ أَذْ أَرشْقغْ ؤُ أَذْ فَارْحغْ
9 مِينْزِي وَارْ ذ أَيِي ثَارِّيذْ
10 حِينّْ خَافِي، أَ سِيذِي، مَاغَارْ تّْوَاحصَّارغْ،
11 مَاغَارْ ثُوذَارْثْ إِنُو ثْكمّڒْ س وشْضَانْ،
12 إِ مَارَّا إِنِّي ذ أَيِي إِحصَّارنْ
13 تُّونْ أَيِي س وُوڒْ أَمْ يِيجّْ ن ؤُمتِّينْ،
14 مَاغَارْ سْڒِيغْ أَقَا أَطَّاسْ شقّْفنْ ذَايكْ،
15 مَاشَا نشّْ تّشْڒغْ خَاكْ، أَ سِيذِي،
16 ڒْوقْثْ إِنُو أَقَا-ت ذڭْ ؤُفُوسْ نّشْ.
17 أجّْ ؤُذمْ نّشْ أَذْ يَارْغْ
18 أَ سِيذِي، وَارْ تّجِّي أَذْ ذوْڒغْ تّْسضْحِيغْ،
19 أجّْ أَذْ سْقَارنْ إِينْشِيشنْ إِسّْخَارِّيقنْ،
20 مشْحَاڒْ إِمقَّارْ ڒْخَارْ نّشْ إِ ثْخمّْڒذْ
21 شكْ ثسّْذُورُّويذْ إِ-ثنْ س ؤُڒحَّافْ
22 أَذْ إِتّْوَابَاركْ سِيذِي،
23 نشّْ ذغْيَا نِّيغْ:
24 سْعِيزّمْ سِيذِي، مَارَّا إِمْثِيقَّانْ نّسْ،
25 إِڒِيمْ ذ إِرْيَازنْ