1 قَاذَامْ سِيذِي، مَاغَارْ نتَّا إِصْبحْ،
2 قَاذَامْ ونِّي ذ أَربِّي خْ مَارَّا إِربِّيثنْ،
3 قَاذَامْ ونِّي ذ سِيذِي خْ مَارَّا إِسِيذِيثنْ،
4 ... ونِّي إِتّڭّنْ لْمُوعْجِيزَاثْ ثِيمقّْرَانِينْ،
5 ... ونِّي إِڭِّينْ إِجنْوَانْ س ڒفْهَامثْ،
6 ... ونِّي إِڭِّينْ ثَامُّورْثْ خْ وَامَانْ،
7 ... ونِّي إِڭِّينْ ثِيفَاوِينْ ثِيمقّْرَانِينْ،
8 ثَافُوشْثْ حِيمَا أَذْ ثحْكمْ خْ وَاسّْ،
9 ثَازِيرِي ذ إِثْرَانْ حِيمَا أَذْ حكْمنْ خْ دْجِيڒثْ،
10 ... ونِّي إِوْثِينْ إِمِيصْرِييّنْ
11 ... ونِّي د-إِسُّوفّْغنْ إِسْرَائِيل
12 س ؤُفُوسْ إِجهْذنْ ذ ؤُغِيڒْ إِتّْوَاسّْڭعّْذنْ،
13 ... ونِّي إِبْضَانْ ڒبْحَارْ ن ثلْڭَا خْ ثْنَاينْ،
14 ؤُشَا إِسّژْوَا إِسْرَائِيل ذِي ڒْوسْثْ نّسْ،
15 ؤُشَا إِنْضَارْ فِيرْعُونْ ذِي ڒبْحَارْ ن ثلْڭَا
16 ... ونِّي إِنذْهنْ ڒْڭنْسْ نّسْ
17 ... ونِّي إِوْثِينْ إِجدْجِيذنْ إِمقّْرَاننْ،
18 ؤُشَا إِنْغَا إِجدْجِيذنْ إِجهْذنْ،
19 عْقڒْ خْ سِيحُونْ، أَجدْجِيذْ ن إِمُورِييّنْ،
20 خْ عُوجْ، أَجدْجِيذْ ن بَاشَانْ،
21 ثَامُّورْثْ نْسنْ إِوْشَا إِ-ت ذ ثَاسْغَارْثْ،
22 ذ ثَاسْغَارْثْ إِ ؤُمْسخَّارْ نّسْ إِسْرَائِيل،
23 إِذَارْ أَنغْ ذِي دّدْجْ نّغْ،
24 نتَّا إِكّسْ أَنغْ-د زڭْ إِفَاسّنْ
25 نتَّا ذ ونِّي إِتِّيشنْ مَاشَّا
26 قَاذَامْ أَربِّي ن إِجنْوَانْ،