1 قَاذَامْ سِيذِي،
2 غنّْجمْ أَسْ، زهّْذمْ إِ نتَّا،
3 شنّْعمْ إِخفْ نّشْ
4 سقْسَامْ خْ سِيذِي ذ جّهْذْ نّسْ،
5 عقْڒمْ خْ لْمُوعْجِيزَاثْ نّسْ إِ إِڭَّا،
6 زَّارِيعثْ ن إِبْرَاهِيمْ، أَمْسخَّارْ نّسْ،
7 نتَّا ذ سِيذِي، أَربِّي نّغْ.
8 عقْڒمْ خْ ڒْعَاهْذْ نّسْ إِ ڒبْذَا،
9 إِ إِڭَّا أَكْ-ذ إِبْرَاهِيمْ،
10 نتَّا إِڭَّا إِ-ث ذ ثَاوْصيّثْ إِ يَاعْقُوبْ،
11 ؤُمِي إِنَّا:
12 ؤُمِي ثُوغَا كنِّيوْ ذڭْ إِجّْ ن وُورُو ن يرْيَازنْ،
13 نِيثْنِي ثلْعنْ زِي ڒْڭنْسْ غَارْ ڒْڭنْسْ نّغْنِي،
14 وَارْ إِجِّي ؤُڒَا ذ إِجّْ ن بْنَاذمْ
15 وَارْ تّْحَاذَامْ شَا إِمذْهُوننْ إِنُو،
16 خنِّي إِڒَاغَا-د إِ ڒَاژْ غَارْ ثمُّورْثْ.
17 إِسّكّْ-د إِجّْ ن ورْيَازْ غَارْ زَّاثْ،
18 شَارْفنْ إِضَارنْ نّسْ ذڭْ إِشذِّييّنْ،
19 أَڒْ ڒْوقْثْ نِّي ذِي إِتّْوَاسّقْفڒْ
20 إِسّكّْ ؤُجدْجِيذْ إِجّْ حِيمَا أَذْ أَسْ إِسَّارْخُو،
21 نتَّا إِڭَّا إِ-ث ذ بَابْ خْ ثَادَّارْثْ نّسْ،
22 حِيمَا أَذْ غَارسْ إِشدّْ ڒْحُوكَّامْ
23 أَوَارْنِي أَيَا يُوسَا-د إِسْرَائِيل غَارْ مِيصْرَا،
24 نتَّا إِڭَّا ڒْغِيدْجثْ ذِي ڒْڭنْسْ نّسْ أَطَّاسْ،
25 نتَّا يَارَّا ؤُڒْ نْسنْ إِنّقْڒبْ،
26 خنِّي إِسّكّْ-د مُوسَا، أَمْسخَّارْ نّسْ،
27 نِيثْنِي ڭِّينْ ڒعْڒَامَاثْ نْسنْ إِفَارْزنْ جَارْ أَسنْ،
28 نتَّا إِسّكّْ-د ثَادْجسْثْ
29 نتَّا يَارَّا أَمَانْ نْسنْ ذ إِذَامّنْ
30 نتَّا يَارَّا ثَامُّورْثْ نْسنْ
31 نتَّا إِسِّيوڒْ ؤُشَا يُوسَا-د
32 نتَّا يَارَّا أَنْژَارْ نْسنْ ذ أَبْرُورِّي،
33 نتَّا إِوْثَا ثَازَايَارْثْ نْسنْ ذ وَارْثُو نْسنْ،
34 نتَّا إِسِّيوڒْ، خنِّي ثُوسَا-د ثْمُوغْرِي،
35 نِيثْنِي شِّينْ مَارَّا أَفْسُو ذِي ثمُّورْثْ نْسنْ،
36 نتَّا إِنْغَا مَارَّا إِمنْزَا
37 نتَّا إِسُّوفّغْ إِ-ثنْ-د
38 مِيصْرَا ثْفَارْحْ س وُوفُّوغْ نْسنْ،
39 نتَّا إِبزّعْ أَسيْنُو أَمْ يِيجّْ ن أَرْوَاقْ
40 نِيثْنِي ژُّودْجنْ ؤُ نتَّا يَارَّا
41 نتَّا يَارْزمْ ثَاصْضَارْثْ،
42 مَاغَارْ نتَّا إِعْقڒْ
43 نتَّا إِسُّوفّغْ-د ڒْڭنْسْ نّسْ
44 نتَّا إِوْشَا أَسنْ ثِيمُّورَا ن ڒڭْنُوسْ،
45 حِيمَا أَذْ طّْفنْ ذِي ثْوصَّا نّسْ،