1 ثَاژَادْجِيثْ ن إِجّْ ن ڒْمسْكْسِينْ مَاڒَا مَانَاينِّي ذ أَطَّاسْ خَاسْ، ؤُشَا خنِّي إِتّْفَارّغْ إِمُونَاسْ نّسْ زَّاثْ إِ سِيذِي.
2 أَ سِيذِي، سڒْ غَارْ ثْژَادْجِيثْ إِنُو،
3 وَارْ تّفَّارْ ؤُذمْ نّشْ خَافِي
4 مِينْزِي ؤُسَّانْ إِنُو عْذُونْ أَمْ دّخَّانْ،
5 ؤُڒْ إِنُو إِتِّيسْڒَاوْ ؤُ يُوژغْ أَمْ أَرْبِيعْ،
6 زِي سِّيبّثْ ن ؤُزهَّارْ يُودْجْغنْ إِنُو،
7 نشّْ أَمْ يِيجّْ بُو-ؤُعُوقِّي ن ؤُجْضِيضْ
8 تّْغِيمغْ فَاقغْ س ڒفْثَانثْ،
9 ڒْعذْيَانْ إِنُو تّكّْوَارنْ أَيِي أَسّْ مَارَّا.
10 مَاغَارْ تّتّغْ إِغّضْ أَمْ وغْرُومْ
11 زِي سِّيبّثْ ن وسْخضْ نّشْ
12 ؤُسَّانْ إِنُو أَمْ يِيشْثْ ن ثِيڒِي إِزُّوڭَّارْثنْ،
13 مَاشَا شكْ، أَ سِيذِي،
14 شكْ أَذْ ثكَّارذْ أَذْ ثَارْحْمذْ خْ صِيهْيُونْ،
15 مَاغَارْ إِژْرَا نّسْ ؤُسِينْ-د
16 ڒڭْنُوسْ أَذْ ڭّْوذنْ إِسمْ ن سِيذِي،
17 خْمِي غَا إِبْنَا سِيذِي صِيهْيُونْ
18 أَذْ إِڒْهَا أَكْ-ذ ثْژَادْجِيثْ ن ؤُمزْڒُوضْ،
19 مَانْ أَيَا إِتّْوَارِي إِ جِّيڒْ إِ د غَا يَاسنْ،
20 مَاغَارْ نتَّا أَقَا إِسِّيجّْ-د
21 حِيمَا أَذْ إِسڒْ أَوعّضْ ن ؤُمحْبُوسْ،
22 مَاحنْذْ أَذْ بَارّْحنْ
23 خْمِي ذِينِّي إِ غَا تّْوَاسّْمُوننْ ڒڭْنُوسْ،
24 نتَّا إِسَّارْخُو جّهْذْ إِنُو أَكْ-ذ وبْرِيذْ،
25 نشّْ نِّيغْ: ’وَارْ ذ أَيِي كسِّي
26 زڭْ وشْحَاڒْ ؤُيَا ثڭِّيذْ ذْسَاسْ إِ ثمُّورْثْ،
27 إِنَا أَذْ فْنَانْ، مَاشَا شكْ أَذْ ثْذُومذْ.
28 شكْ مَاشَا ذ شكْ،
29 إِحنْجِيرنْ ن إِمْسخَّارنْ نّشْ