1 مِّي إِنُو، مَاڒَا ثْذوْڒذْ
2 مَاڒَا ثْذوْڒذْ ثقّْنذْ
3 خنِّي أڭّْ ثَا، أَ مِّي، ؤُ فكّْ إِخفْ نّشْ،
4 وَارْ تِّيشْ شَا إِضصْ إِ ثِيطَّاوِينْ نّشْ،
5 فكّْ إِخفْ نّشْ زڭْ ؤُفُوسْ نّسْ
6 ؤُيُورْ غَارْ ثْكضْفثْ، شكْ، أَ أَمعْڭُوزْ،
7 وَاخَّا نتَّاثْ وَارْ غَارسْ بُو ؤُمْڭوّذْ،
8 عَاذْ ثسّوْجَاذْ أَغْرُومْ نّسْ ذڭْ ؤُنبْذُو،
9 أَڒْ مڒْمِي غَا ثقِّيمذْ ثزّْڒذْ،
10 أَرْنِي شْوَايْثْ ن يِيضصْ،
11 أَقَا ذَا أَذْ خَاكْ د-إِوْضَا زّڒْضْ
12 بْنَاذمْ إِ وَارْ إِسكّْوِينْ، أَرْيَازْ ن ڒْغشّْ،
13 إِغمّزْ س ثِيطَّاوِينْ نّسْ،
14 ؤُڒْ نّسْ إِشُّورْ س ڒخْذَاعَاثْ،
15 خْ ؤُيَا ذغْيَا أَذْ د-يَاسْ ؤُضيّعْ نّسْ،
16 ستَّا ن ثْمسْڒَايِينْ-أَ إِشَارّهْ إِ-ثنْثْ سِيذِي،
17 ثِيطَّاوِينْ ن نّْفَاخثْ،
18 ؤُڒْ إِنكّْوَانْ ثِيمعْمَاتْشْ إِغشّنْ،
19 أَشهَّاذْ إِسّْخَارِّيقنْ
20 أَ مِّي، حْضَا ثَاوْصيّثْ ن بَابَاشْ،
21 قّنْ إِ-ثنْثْ ڒبْذَا خْ وُوڒْ نّشْ،
22 مَاڒَا ثڭُّورذْ، أَيَا أَذْ شكْ إِڭوّذْ،
23 مِينْزِي ثَاوْصيّثْ ذ ڒفْنَارْ
24 نِّي شكْ إِ غَا إِحْضَانْ زِي ثمْغَارْثْ ثَاعفَّانْثْ،
25 وَارْعشّقْ شَا أَژْرِي نّسْ ذڭْ وُوڒْ نّشْ،
26 مِينْزِي زِي سِّيبّثْ
27 مَا إِزمَّارْ حذْ أَذْ يَارْبُو ثِيمسِّي
28 مَا إِزمَّارْ حذْ
29 أَمُّو ؤُڒَا ذ ونِّي إِ غَا يَاذْفنْ
30 أَشفَّارْ وَارْ ث سّْحقَّارنْ
31 مَاشَا مَاڒَا إِتّْوَافْ،
32 مَاشَا ونِّي إِتّڭّنْ زِّينَا
33 ذْرُوشْثْ ذ ڒفْضِيحثْ أَذْ ثنْ يَافْ،
34 مَاغَارْ ثُوسْمِي ثتَّاوِي-د أَسْعَارْ ن ورْيَازْ،
35 وَارْ إِحسّبْ دّيّثْ إِ وصْڒحْ،