1 سْڒمْ، كنِّيوْ إِحنْجِيرنْ،
2 مَاغَارْ نشّْ أَذْ أَومْ وْشغْ
3 مَاغَارْ نشّْ ثُوغَا أَيِي ذ مِّيسْ إِ بَابَا،
4 نتَّا إِسّڒْمذْ أَيِي، إِنَّا أَيِي:
5 جْبذْ-د غَاركْ ثِيغِيثْ،
6 وَارْ سمّحْ ذِي ثِيغِيثْ،
7 بدُّو ن ثِيغِيثْ ذ ؤُضُوفْ ن ثِيغِيثْ،
8 سْڭعّذْ إِ-ت-إِ-د،
9 نتَّاثْ أَذْ أَشْ ثوْشْ إِجّْ ن تَّاجْ ثشْنَا
10 سڒْ، أَ مِّي، ؤُ كْسِي أَوَاڒنْ إِنُو،
11 سّْڒمْذغْ أَشْ أَبْرِيذْ ن ثِيغِيثْ،
12 مَاڒَا ثُويُورذْ، أَصُورِيفْ نّشْ
13 شبَّارْ ذِي تَّارْبِييّثْ،
14 وَارْ ڭُّورْ خْ ؤُمسْرُوقْ ن إِعفَّاننْ،
15 حيّذْ خَاسْ، وَارْ خَاسْ ڭُّورْ،
16 مَاغَارْ نِيثْنِي وَارْ تّطّْصنْ
17 مَاغَارْ نِيثْنِي تّتّنْ أَغْرُومْ ن ڒْغشّْ،
18 أَمسْرُوقْ ن إِمْسڭَّاذنْ
19 أَبْرِيذْ ن إِعفَّاننْ أَمْ ثَادْجسْثْ،
20 مِّي إِنُو، أوْشْ ثَايْنِيثْ إِ وَاوَاڒنْ إِنُو،
21 وَارْ ثنْ تّجِّي أَذْغفْڒنْ
22 مَاغَارْ نِيثْنِي ذ ثُوذَارْثْ
23 حْضَا ؤُڒْ نّشْ خْ مَارَّا
24 كّسْ إِخَارِّيقنْ ن ؤُقمُّومْ نّشْ،
25 أجّْ ثِيطَّاوِينْ نّشْ أَذْ خْزَارنْثْ غَارْ زَّاثْ،
26 وَاطَا ڒَاثَارْ ن ؤُضَارْ نّشْ،
27 وَارْ فَارّغْ غَارْ يفُوسْ ؤُڒَا غَارْ ؤُزڒْمَاضْ،