1 أَوَاڒنْ ن أَجُورْ،
2 مَاغَارْ نشّْ ذ أَقفُّوحْ، وَارْ إِدْجِي ذ بْنَاذمْ،
3 نشّْ وَارْ ڒْمِيذغْ ثِيغِيثْ،
4 وِي إِڭعّْذنْ غَارْ ؤُجنَّا ؤُشَا إِهْوَا-د؟
5 كُوڒْ أَوَاڒْ ن أَربِّي إِتّْوَاصفَّا،
6 وَارْ أَرنِّي غَارْ وَاوَاڒنْ نّسْ،
7 نشّْ تَّارغْ أَشْ ثْنَاينْ ن ثْمسْڒَايِينْ،
8 سِيڭّْوجْ خَافِي مِينْ إِبضْڒنْ
9 مَاڒَا لَّا، خْمِي غَا جِّيوْنغْ،
10 وَارْ شقّفْ ذڭْ إِجّْ ن ؤُمْسخَّارْ
11 أَقَا ذِينْ إِجّْ ن جِّيڒْ إِ إِنعّْڒنْ بَابَاسْ،
12 إِجّْ ن جِّيڒْ إِ يدْجَانْ ذ أَمزْذَاڭْ
13 إِجّْ ن جِّيڒْ س ڒْخزْرَاثْ إِنفْخنْ،
14 إِجّْ ن جِّيڒْ س ثغْمَاسْ أَمْ ڒسْيُوفْ
15 ثَادَّا غَارسْ ثْنَاينْ ن يسِّيسْ:
16 ڒَاخَارْثْ ذ ڒمْڒَاوثْ إِبلّْعنْ،
17 ثِيطّْ إِ إِسّْثهْزَانْ زِي بَابَاسْ،
18 ثْڒَاثَا-يَا ن ثْمسْڒَايِينْ
19 أَبْرِيذْ ن ؤُڭِيذرْ ذڭْ ؤُجنَّا،
20 أَمُّو إِ إِتّڭّْ
21 سَاذُو ثْڒَاثَا ن ثْمسْڒَايِينْ-أَ
22 سَاذُو إِجّْ ن ؤُمْسخَّارْ
23 سَاذُو إِشْثْ ن ثمْغَارْثْ ثتّْوَاسّحْقَارْ
24 أَربْعَا-يَا ذ إِمژْيَاننْ قَاعْ خْ ثمُّورْثْ،
25 ثِيكضْفِينْ وَارْ دْجِينْثْ ذ ڒْڭنْسْ إِجهْذنْ،
26 إِكَاوْكَاونْ ن ثصْضَارْثْ
27 ثَامُوغْرِي وَارْ غَارسْ بُو أَجدْجِيذْ،
28 أَزرْمُومِّي ثْزمَّارذْ
29 ثْڒَاثَا-يَا صُّورُوفنْ س ڒْعزّْ،
30 أَيْرَاذْ، بُو-ثغْرُوضْثْ جَارْ ڒْمَارْ،
31 إِجّْ ن ؤُغِيڒَاسْ س ثجْعِينَّاثِينْ نّسْ بيْسنْثْ،
32 مَاڒَا شكْ ثڭِّيذْ س ثُوبُّوهڒْيَا
33 مَاغَارْ أَسنْذُو ن ؤُغِي إِتَّاوِي-د ثْرُوسِّي،