1 أَمْ وذْفڒْ ذڭْ ؤُنبْذُو
2 أَمْ ژَّاوشْ إِتّْفَارْفَارنْ،
3 أَركُّوضْ إِ ؤُيِيسْ، سْڒِيمثْ إِ وغْيُوڒْ،
4 وَارْ د-تَّارِّي خْ ؤُبُوهَاڒِي
5 أَرّْ-د خْ ؤُبُوهَاڒِي
6 أَمْ ونِّي إِتّْقسّنْ إِضَارنْ ن يِيخفْ نّسْ
7 ثِيمسَّاضِينْ ن ؤُنعْضَابْ أَرهْفنْثْ،
8 أَمْ ونِّي إِتّْشدَّانْ
9 أَمْ إِشْثْ ن ثِيونْثْ ن ثْزڭّْوَارْثْ
10 أَطَّاسْ إِزمَّارْ أَذْ د-إِسُّوفّغْ
11 أَمْ إِجّْ ن وقْزِينْ إِعقْبنْ غَارْ مِينْ إِعُوقّْ،
12 مَا ثژْرِيضْ عمَّارْصْ إِجّْ ن ورْيَازْ
13 أَمعْڭُوزْ إِقَّارْ:
14 أَمْ ثوَّارْثْ ثتُّونُّوضْ إِ ثغْمَارْثْ نّسْ،
15 أَمعْڭُوزْ إِسّْنُوفَّارْ أَفُوسْ نّسْ ذِي طّبْصِي،
16 أَمعْڭُوزْ إِتّْوَاڒَا إِخفْ نّسْ ذ أَمِيغِيسْ،
17 أَمْ ونِّي إِتّْشبَّارنْ
18 أَمْ إِجّْ ن ؤُمجْنُونْ
19 أَمُّو إِ إِدْجَا ورْيَازْ نِّي إِشمْثنْ جَّارْ نّسْ،
20 مَاڒَا وَارْ إِدْجِي ؤُكشُّوضْ، أَذْ ثخْسِي ثْمسِّي،
21 أَمْ إِدْجَا ڒفْحمْ إِ ڒفْحمْ إِتّحْذُوذُوقنْ
22 أَوَاڒنْ ن ؤُخْبَارْجِييْ أَمْ حَالَاوِيثْ،
23 أَمْ كُوفُّو ن نُّوقَارْثْ خْ ؤُشدْجِيقْ ن ثْڒَاخْثْ،
24 ونِّي ذِي إِدْجَا وشْرَاهْ،
25 مَاڒَا نتَّا إِتّْحشّمْ س ثْمِيجَّا نّسْ،
26 ؤُڒَا مَاڒَا إِڒحّفْ وشْرَاهْ نّسْ
27 ونِّي إِغْزِينْ إِجّْ ن وحْفُورْ ن ثُورْصُوضِي،
28 إِڒسْ إِسّْخَارِّيقنْ