1 أَوَاڒْ نِّي إِسَّاوَاڒْ ؤُنَابِي إِرْمِييَا إِ بَارُوخْ، مِّيسْ ن نِيرِي-يَاهْ، ؤُمِي يُورَا وَانِيثَا أَوَاڒنْ زڭْ ؤُقمُّومْ ن إِرْمِييَا ذڭْ إِجّْ ن وذْلِيسْ إِتّْوَانّْضنْ، ذڭْ ؤُسڭّْوَاسْ وِيسّْ أَربْعَا ن يَاهُويَاقِيمْ، مِّيسْ ن يُوشِييَا، أَجدْجِيذْ ن يَاهُوذَا. إِنَّا:
2 ”أَمُّو إِ إِقَّارْ سِيذِي، أَربِّي ن إِسْرَائِيل، خَاكْ، أَ بَارُوخْ!
3 شكْ ثنِّيذْ: ’أَخيّبْ إِ نشّْ، مَاغَارْ سِيذِي يَارنِّي عَاذْ أَشْضَانْ خْ ڒحْرِيقْ إِنُو. نشّْ ؤُحْڒغْ س وزْهَارْ، وَارْ ؤُفِيغْ أَرَّاحثْ!‘
4 إِتّْخصَّا أَذْ أَسْ ثِينِيذْ: ’أَمُّو إِ إِقَّارْ سِيذِي: خْزَارْ، مِينْ سّْبدّغْ، أَذْ ثغضْڒغْ، ؤُ مِينْ ژُّوغْ، أَذْ ث قڒْعغْ، وَاهْ، مَارَّا ثَامُّورْثْ-أَ.
5 مَا ثخْسذْ شكْ أَذْ ثَارْزُوذْ خْ ثْمسْڒَايِينْ ثِيمقّْرَانِينْ إِ يِيخفْ نّشْ؟ وَارْ ثنْثْ ثَارزُّوذْ شَا، مَاغَارْ خْزَارْ، نشّْ أَذْ سِّيوْضغْ إِجّْ نْ ڒْغَارْ خْ مَارَّا دَّاثْ، أَمُّو إِ إِقَّارْ سِيذِي، مَاشَا أَذْ أَشْ وْشغْ ڒعْمَارْ نّشْ ذ ثَاكشَّاضْثْ ذِي مَارَّا إِمُوشَانْ مَانِي غَا ثْرَاحذْ.‘ “