1 يَارَّا-د أَيُوبْ، إِنَّا:
2 أَ، مْڒِي وزْننْ ڒْهمّْ إِنُو،
3 مَاغَارْ ڒخُّو أَقَا-ث إِذْقڒْ خْ يجْذِي ن ڒبْحُورْ،
4 مَاغَارْ نُّوغنْثْ ذَايِي فْڒِيثْشَاثْ
5 مَا إِسّْحُونْذْرُوثْ وغْيُوڒْ ن ڒخْڒَا
6 مَاشَّا بْڒَا أَڒذِّي
7 مِينْ يُوڭِي ڒعْمَارْ إِنُو أَذْ ث إِحَاذَا،
8 مْڒِي د غَا يَاسْ مِينْ تَّارغْ
9 مْڒِي ثُوغَا إِخْسْ سِيذِي مَاحنْذْ أَذْ أَيِي إِڒْبزْ،
10 مَانْ أَيَا أَذْ أَيِي يِيڒِي عَاذْ ذ أَفوّجْ،
11 مِينْ إِعْنَا جّهْذْ إِنُو،
12 مَا جّهْذْ إِنُو أَمْ جّهْذْ ن إِژْرَا؟
13 مَا وَارْ دْجِيغْ قَاعْ بْڒَا ثْوِيزَا س يِيخفْ إِنُو،
14 ونِّي ؤُمِي إِقْضعْ ڒَايَاسْ إِتّْخصَّا أَسْ
15 أَيْثْمَا بَاننْ-د ذ إِغدَّارنْ
16 أَمْ ثِيغزْرِينْ ثِينِّي إِتّْبَارّشْننْ س وجْرِيسْ،
17 ذڭْ وُوسَّانْ نِّي ذِي ذوْڒنْثْ
18 إِبْرِيذنْ ن ثشْڒِي نْسنْ فَارْغنْ،
19 إِمْسبْرِيذنْ زِي ثَايْمَا
20 نِيثْنِي تّْوَاشمْثنْ
21 س ثِيذتّْ، ڒخُّو ثْذوْڒمْ ذ وَالُو،
22 مَا نِّيغْ: ’أَوْيمْ أَيِي-د شَا!‘
23 نِيغْ: ’فكّْ أَيِي زڭْ ؤُفُوسْ ن ونِّي إِحصَّارنْ!‘
24 سْغَارْ أَيِي، خنِّي أَذْ سّغْذغْ،
25 مَامّشْ جهّْذنْ وَاوَاڒنْ يشْنَانْ،
26 مَا ثتّْخَارّْصمْ ذڭْ وَاوَاڒنْ،
27 عَاذْ خْ يِيجّْ ن ؤُنِيبُو أَيُوجِيڒْ
28 خنِّي ڒخُّو، مَاڒَا ثخْسمْ،
29 قدْجْبمْ أَيِي،
30 مَا أَقَا ذِينْ ڒْغشّْ خْ يِيڒسْ إِنُو؟