1 أَوَارْنِي مَانْ أَيَا يَارْزمْ أَيُوبْ أَقمُّومْ نّسْ، إِنْعڒْ أَسّْ ن وخْڒَاقْ نّسْ.
2 أَيُوبْ إِطّفْ ذڭْ وَاوَاڒْ، إِنَّا:
3 أَذْ إِفْنَا أَسّْ إِ ذِي د-تّْوَاخڒْقغْ،
4 أجّْ أَسّْ نِّي أَذْ إِذْوڒْ ذ ثَادْجسْثْ،
5 إِڒِي ثَادْجسْثْ ذ ثِيڒِي ن ڒْموْثْ أَذْ خَاسْ أَرْزُونْثْ،
6 أَذْ ثكّسْ ثْكبَّاسْثْ يُودْجْغنْ دْجِيڒثْ نِّي،
7 خْزَارْ، أجّْ دْجِيڒثْ نِّي
8 أجّْ إِنِّي إِسّْفطّْحنْ أَسّْ،
9 أجّْ أَذْ تّْوَاكبّْسنْ إِثْرَانْ ن ثُوفُّوثْ نّسْ،
10 مَاغَارْ نتَّا وَارْ إِبلّعْ ثِيوُّورَا
11 مَايمِّي وَارْ مُّوثغْ
12 مَايمِّي ذ أَيِي رَاجَانْ إِفَادّنْ
13 خنِّي إِڒِي أَذْ زّْڒغْ ڒخُّو، أَذْ سّْقَارغْ.
14 جْمِيعْ أَكْ-ذ إِجدْجِيذنْ
15 نِيغْ جْمِيعْ أَكْ-ذ ڒْحُوكَّامْ
16 نِيغْ نشّْ وَارْ تِّيڒِيغْ عَاذْ
17 ذِينِّي سّْبدّنْ إِعفَّاننْ زِي صّْذعْ،
18 ذِينِّي تَّاريَّاحنْ إِمحْبَاسْ مُوننْ،
19 أَقَا ذِينْ أَمژْيَانْ ذ ؤُمقّْرَانْ،
20 مَايمِّي ثمّوْشْ ثْفَاوْثْ إِ ڒْمسْكِينْ،
21 إِ يِينِّي إِتّْمژْرنْ ذِي ڒْموْثْ،
22 إِنِّي إِفَارّْحنْ أَطَّاسْ
23 مَايمِّي ثمّوْشْ ثْفَاوْثْ إِ ورْيَازْ
24 مِينْزِي ذڭْ ومْشَانْ ن وغْرُومْ إِنُو
25 مِينْزِي ثُوغَا تّْنخْڒَاعغْ
26 وَارْ غَارِي ڒْهُوذْنثْ، وَارْ أَرْسِيغْ شَا