1 ؤُشَا يَارْنِي إِسّْڭعّذْ أَيُوبْ ڒْهَارْذْ ن لْمَاثَالْ نّسْ، إِنَّا:
2 مْڒِي دْجِيغْ أَمْ ذڭْ ؤُينِّي ن إِيُورنْ إِعْذُونْ
3 ڒَامِي إِڭَّا ڒفْنَارْ نّسْ
4 مْڒِي دْجِيغْ أَمْ ذڭْ وُوسَّانْ ن ثمْژِي إِنُو،
5 ؤُمِي أَمْزمَّارْ خْ كُوڒْشِي
6 ؤُمِي إِصُورَافْ إِنُو ثُوغَا عُومّنْ ذِي ثْرُوسِّي،
7 ؤُمِي د-فّْغغْ غَارْ ثوَّارْثْ ن ثنْذِينْثْ،
8 نُّوفَارنْ إِحُوذْرِييّنْ ڒَامِي ذ أَيِي ژْرِينْ،
9 ڒْحُوكَّامْ منْعنْ أَوَاڒنْ نْسنْ
10 ثْمِيجَّا ن ڒْحُوكَّامْ ثسْقَارْ،
11 مَاڒَا إِسْڒَا أَيِي ؤُمزُّوغْ، إِسّمْغَارْ أَيِي،
12 مَاغَارْ سّْنجْمغْ ڒْمسْكِينْ نِّي إِسْغُوينْ،
13 ڒْخَاضَارْ ن ونِّي ثُوغَا عْڒَاينْ أَذْ إِهلّكْ،
14 يَارْضغْ ثَاسڭْذَا ؤُ ثَاسڭْذَا ثسّْيَارْضْ أَيِي.
15 ثُوغَا أَيِي ذ ثِيطَّاوِينْ إِ إِذَارْغَاڒنْ،
16 ثُوغَا أَيِي ذ بَابَاثْسنْ إِ إِمزْڒَاضْ،
17 أَرْژِيغْ ثِيغْمَاسْ ن ثغْمَارْثْ
18 نِّيغْ: ’أَذْ سُّوفّْغغْ بُوحْبڒْ إِنُو
19 إِژوْرَانْ إِنُو بزّْعغْ ثنْ أَڒْ أَمَانْ
20 ثُوغَا ڒْعزّْ إِنُو إِقِّيمْ أَكِيذِي ڒبْذَا،
21 سْڒِينْ-د غَارِي، رَاجَانْ،
22 أَوَارْنِي وَاوَاڒْ إِنُو
23 نِيثْنِي رَاجَانْ أَيِي أَمْ رَاجَانْ أَنْژَارْ،
24 مَاڒَا سْفَارْنِينغْ غَارْسنْ،
25 إِخْضَارغْ أَسنْ أَبْرِيذْ،