1 مَايمِّي وَارْ تّْوَاسّْنُوفَّارنْثْ
2 نِيثْنِي سّْمُوطُّوينْ ڒهْذُوذْ،
3 أَغْيُوڒْ ن إِيُوجِيڒنْ سَّاڭّْوَاجنْ ث،
4 نِيثْنِي عَارّْننْ إِمزْڒَاضْ زڭْ وبْرِيذْ.
5 خْزَارْ، أَقَا أَثنْ أَمْ يِيغْيَاڒْ ن ڒخْڒَا.
6 ذڭْ إِيَّارْ حتّْشنْ ڒحْثِيشْ نّسْ،
7 سّْعدُّونْ دْجِيڒثْ ذ إِعَارْيَاننْ، نْهْڒَا أَرُّوضْ،
8 زڭْ ونْژَارْ إِشَّاثنْ زڭْ إِذُورَارْ تُّوفّنْ،
9 زڭْ إِفَّانْ ن يمَّاثْسنْ تّكّْسنْ أَيُوجِيڒْ،
10 ڭُّورنْ ذ إِعَارْيَاننْ، نْهْڒَا أَرُّوضْ،
11 جَارْ ڒحْيُوضْ تّْعسَّارنْ زّشْثْ،
12 زِي ثنْذِينْثْ إِتّفّغْ-د ڒْحسّْ
13 إِنّغْنِي ذ إِمْغوّْغنْ خْ ثْفَاوْثْ،
14 قْبڒْ د-ثُوسَا ثْفَاوْثْ، إِتّكَّارْ ؤُقتَّاڒْ،
15 ثِيطّْ ن ؤُزنَّايْ ثْحطَّا ثَادْجسْثْ.
16 ذِي ثَادْجسْثْ تَّاذْفنْ غَارْ ثُوذْرِينْ.
17 مَاغَارْ ثُوفُّوثْ ثْبَانْ أَسنْ-د أَمْ ثِيڒِي ن ڒْموْثْ،
18 نتَّا ذ أَفْسُوسْ أَمْ ؤُكُوفُّو
19 ڒَاژَاغْ ذ ڒحْمُو قطَّانْ
20 أَعذِّيسْ ن يمَّاسْ أَذْ ث إِتُّو،
21 أَمُّو ؤُڒَا ذ ونِّي إِتّڭّنْ ڒْغَارْ
22 س جّهْذْ نّسْ إِسّْبدَّا
23 نتَّا إِوْشَا أَسْ ڒَامَانْ،
24 تّْوَاسُّوعْڒَانْ إِ يِيجّْ ن ڒْحَاڒْ ذ أَقُوضَاضْ،
25 مَا وَارْ إِدْجِي أَمنِّي؟