1 خَاسْ ؤُشَا يَارَّا-د بِيلْذَاذْ، ونِّي د-يُوسِينْ زِي شُوحَا، إِنَّا:
2 أَڒْ مڒْمِي عَاذْ ثَارزُّومْ
3 مَايمِّي ذ أَنغْ إِتّْوَاڭّْ أَمْ ڒْمَاڒْ
4 شكْ، أَ يَارْيَازْ ونِّي إِتّْمزّْقنْ إِخفْ نّسْ
5 وَاهْ، ثَافَاوْثْ ن إِعفَّاننْ أَذْ ثخْسِي،
6 ثَافَاوْثْ ذِي ثْقِيذُونْثْ نّسْ أَذْ ثبَّارْشنْ،
7 تَّارْجِيجنْ إِصُورَافْ نّسْ إِجهْذنْ،
8 مَاغَارْ س إِضَارنْ نّسْ أَذْ إِنَّاغْ ذڭْ ؤُصنَّاجْ،
9 ثَاخْشفْثْ أَذْ ث ثمْنعْ زڭْ ؤُنِيرْزْ،
10 ثنُّوفَّارْ ثسْغُونْثْ ن ڒْفخْ ذِي ثمُّورْثْ،
11 سِّيڭّْوذنْ ث إِنخْڒِيعنْ
12 إِتّْوَاحْصَارْ ذَايسْ جّهْذْ نّسْ،
13 أَرْژِييّثْ أَذْ ثشّْ
14 مِينْخفْ ثُوغَا إِتّْشڒْ،
15 إِوْذَانْ نِّي وَارْ دْجِينْ ذ يِينِّي نّسْ،
16 سَاذُو نتَّا تَّاژْغنْ إِژوْرَانْ نّسْ،
17 ڒِيذَارثْ نّسْ أَذْ ثتّْوَاكّسْ زِي ثمُّورْثْ،
18 أَذْ ث عَارْننْ زِي ثْفَاوْثْ غَارْ ثَادْجسْثْ،
19 وَارْ غَارسْ إِتِّيڒِي وَارَّاوْ
20 خْ وَاسّْ نّسْ أَذْ أَرْجِيجنْ إِنِّي إِزدّْغنْ
21 وَاهْ، أَمُّو إِ ثتّمْسَارْ