1 يَارَّا-د أَيُوبْ، إِنَّا:
2 ذ ثِيذتّْ، كنِّيوْ ذ إِجّْ ن دَّارْبْ ن ڒْڭنْسْ،
3 نشّْ غَارِي ڒعْقڒْ أَمْ كنِّيوْ،
4 نشّْ أَمْ ونِّي إِدْجَانْ إِ ثْسضْحَاشْ
5 ’ڒْْحڭْرَا ذ ثَاسْغَارْثْ ن ونِّي إِتّْوَارْژَانْ!‘،
6 إِقِيضَانْ ن إِمْثحَّايّنْ أَرْسَانْ،
7 سقْسَا خنِّي ڒْمَاڒْ،
8 نِيغْ خزَّارغْ مْلِيحْ غَارْ ثمُّورْثْ،
9 مَانْ ونْ وَارْ إِسِّيننْ مَارَّا أَيَا،
10 نتَّا ذ ونِّي ذڭْ ؤُفُوسْ نّسْ إِدْجَا
11 مَا وَارْ إِتّْقدْجِيبْ ؤُمزُّوغْ أَوَاڒنْ،
12 غَارْ إِوسُّورَا إِ ثدْجَا ثِيغِيثْ
13 نتَّا غَارسْ إِ ثدْجَا ثِيغِيثْ ذ جّهْذْ س ثِيذتّْ،
14 خْزَارْ، مَاڒَا نتَّا إِهدّمْ،
15 خْزَارْ، مَاڒَا نتَّا إِسّْبدّْ أَمَانْ،
16 نتَّا غَارسْ جّهْذْ ذ ؤُفكِّي،
17 نتَّا إِتّجَّا إِرْيَازنْ ن شّْوَارْ
18 أَزِييَّارْ ن إِجدْجِيذنْ إِسّْبطّڒْ إِ-ث
19 نتَّا إِندّهْ إِكهَّاننْ س ڒحْفَا،
20 إِتّكّسْ أَوَاڒْ إِ إِرْيَازنْ إِتّْوَاقدْجْبنْ،
21 أَسحْقَارْ إِتّْزدْجَاعْ إِ-ث خْ ثَارْوَا ن ثَاصِيڒثْ،
22 إِمُوشَانْ يُودْجْغنْ ن ثَادْجسْثْ إِتّْعَارَّا خَاسنْ،
23 ڒڭْنُوسْ إِسّمْغَارْ إِ-ثنْ ؤُشَا إِغطّرْ إِ-ثنْ،
24 إِتّكّسْ ڒفْهَامثْ
25 نِيثْنِي تّمْهَافَانْ ذَا ذ ذِيهَا ذِي ثَادْجسْثْ،