1 Ita jirô pê mã, wa ma Jeju me, me ikwỳ me, Hĩpôjajo jõ cô na me irêr, ata japrỳ nõ te Tiperij jõ cô.
2 Mã me ikôt me hàhtôa ne me mõ. Ampo na? Cute me Jeju te me hà caprãr, ne me to impej pyrentu na me hõmpun na ri.
3 Wa hàhkà jakôt nõ na Jeju me, me ipê ihkôt me ipa catêjê me, me ijàpir ne me ijỹr.
4 Pê caxuw ramã me Hakren xà jõ amji kĩn me Pãwtỳjre jõ amji kĩn na ahtipre.
5 Mã Jeju te amji wỳr, por ihkôt me hàhtôa ne me mõ atajê pupun, ne cute Pirip mã harkwa to:
6 Ne pê ramã cute me cumã pãw kryj ata kam to hàhtô to amji kampa, ne cama cute Pirip cajpẽar prãmte pê cumã hane.
7 Mã Pirip cumã:
10 Mã Jeju te me imã harkwa to:
11 Mã Jeju te pãw kryjre atajê incwỳr ne hũrên hakryti na Hũm pê Pahpãm mã to amji jarẽn. Ne cute ihcokjêr ne me imã hõr, wa ite me cumã hõr par, mã cute tep pijakrut atajê to hajỹar.
12 Mã ajte me hõ pãw kryjre itajê to mehcunea jarte partu. Ne cute me hàpàn tohhi jirô pê mã ri, Jeju te me imã harkwa to:
13 Wa ite me to cuprõn, ne me to kàhà to tôxi ne me to hipu par, por pãw kryjre te xĩc atajê cahhur to.
14 Mã cute Jeju te ampo pejti ton xà ita na me hõmpun, ne amji mã me harẽn to:
15 Mã Jeju te, cute me hàprêa kam amji mã me to hõ pahhi na me hahkre pej, ne ma ahte tẽ, ne kẽnti kàa nõ na hàpir.
16 Mã ramã me ina caxwa, wa curia ite me Jeju rer, ne ma me iwrỳc, hĩpô tohkà wỳr.
17 Ne pàr kre mã me icjêj, ne ma Capernam jõ krĩ wỳr ite me to irêr na me amji to hajỹr. Ne ramã ihcajpuaw pàr kre to me mõ, mã ramã awcapàtkô, mã nee cormã me iwỳr Jeju cator nare.
18 Mã kôc pahtỳjti ata te hàpêr kam ihtẽm, ne cô to harô to pra.
19 Wa ramã ite me imõr jũwry to me rec pyxit, cô kam, ne ma me to cakrỳn to mõ. Ne me ite amji wỳr ajpên cô jipy Jeju te mõr na me hõmpun, ne ampeaj kam me imã hũpa.
20 Mã pea me ina hàhtêp, ne cute me imã harkwa to:
21 Wa ite me hahkre pej, ne hacpỹa mã hũrên ame ijakry, ne itỳj ite ahna me amji caxàr. Mã me iwỳr hàr, ne jũ mã cute pàr kre ton, mã cyt ne me imõr xà ata wỳr me ito icator.
22 Ne pê Jeju curi me cumã harte xà ata ri, wa ahte ite pàr kre pyxit peaj mã me icjêj na cute me ipupuan na, curia cormã me ahtwỳ, ne me Jeju jikaj. Ne nee pê ramã me iwỳr Jeju cator na me hahkre pej nare.
23 Mã ma me ijakàn pê Tiperij jõ krĩ jõ pàr kre kwỳ cator, por curi Jeju te Hũm mã pãw pyrên hakryti jarẽn, ne me cumã kryj, mã cute ame to harte tu ata ri.
24 Ne cute me ijapên, ne curia ame Jeju jikaj atajê kwỳ te pàr kre kwỳ mã mencjên, ne ma me ikôt Capernam jõ krĩ wỳr me to cator, cute me Jeju japên prãmte.
25 Ne curia ri me hàhtôti atajê te me Jeju mã cator ne me cumã:
26 — Ampeaj kam wa ha me garẽ! Ca ate ijàpên xà catia na me ipupun, ne Pahpãm kra na ate amji mã me ito hajỹr to, ca ikôt me acator nare. Ne ame garte prãm ita to pit mã, ca ikôt me acator.
27 He ame hajỹr nare! Nee ca pjê ita kam, ate amji to me apijapar prãmte, me gàpàn to pit mã ame amji kam gapac nare. Ne quêt Pahpãm cahê na ate amji to me apijapar rohnỳtti mã xà ata to, ca ha me amji kampa. Ampo na? He ate me to amji kam me gapac ata pê ihhêj rũm me gõ te me ato me atĩr rohnỳtti mã xà. He ipê me Ahàkà, na wa ite me axũmrea na amji ton, ne me amã Inxũ Cati to hahkre, ca ate cahê na amji to me apijapar rohnỳtti mã xà caxuw. Mã ihtỳj Inxũ pê Pahpãm te, ite to ijàpên xà caxuw imã carôt jõr. Ampo na? He cumã ipej na ri — hajỹr.
28 Mã cute ita na mehcukij to:
29 Mã Jeju te me cumã harkwa to:
30 Mã me cumã:
31 He pê me panquêtjê põ kam me hamreare ata kam ajco me hõ pê mana ata pit kur to me ipa, ata pê Pahpãm jõ kàhhôc kam harẽn to: “Cute côjkwa pĩn me cumã me hõ jõr, mã cute mehkrẽr” hajỹr. Na ca ha pijamã ajkĩ cuxà me imã to? Wa ha me hõmpu, ne me cukrẽ, ne itỳj amji mã me ato ihimpej — hane.
34 Mã me cumã:
35 Mã me cumã:
36 — Wa ramã ite me amã me atoa icakôc to, ca atỳj me ipupun cakrô, ca nee cormã me ikam gapac nare.
37 Ne por Inxũ te ijũhkra mã me hacjên xà atajê, quê ha ihtỳj ijũhkra mã me acjêj, wa ha itỳj amji mã me huwahi, ne jũ caxuw põ mã, amji pê, jũm to ijũcapêr, quê ha ipictor nare.
38 Ne por Inxũ te ampo na amji mã ito prãmti xà ata wỳr pê wa côjkwa pĩn wrỳ. Ne nee amjia kôt ite amji mã ampo na prãmti ata wỳr, iwrỳc nare.
39 Ne ite, cute ijũhkra mã me hacjên atajê to hajỹr xà caxuw ri, cute me awỳr ikujahêc he. Quê ha nee jũm ipê ipictor nare. Wa ha jõ ri pjê jamre xà ata kam, me to ipicokjêr xà jõ amcro kam, itỳj amji kôt hacpỹa mã mehcunea to ihtĩr. Hõhõ, ita caxuw ri Inxũ te ikujahêc.
40 Ita na ri Inxũ ito prãm he. Quê ha ihtỳj ipê Pahpãm kra te hajỹr romã mã iwỳr me apkjê. Ne por quê ha ito amji mã mehhimpej atajê, wa ha jũ caxuw, pjê jamre xà ata kam, hacpỹa mã me to ihtĩr. Quê ha me to ipicokjêr xà jirô pê Inxũ cahê na mehtĩr rohnỳtti mã na ame ipa — hajỹr.
41 Mã Juta catêjê kwỳ te ajpẽn mã me Jeju to ihcakôc kên kam mehtẽm. Ampo na? Cute côjkwa pĩn cupê me hõ tuaw pyràc ne iwrỳc na amji jarẽn, na ri ame ajpẽn mã harẽn to hane he:
42 — Pom cupê Joje me Marij kra ita? He wa ramã ite me hõmpun pejtu, nõ na mã ajte côjkwa pĩn iwrỳc na amji jarẽ? — hane.
43 Mã Jeju te mempar ne me cumã:
44 Jũ wỳr quê jũm amjia kôt amji to ikôt ipa catê. Nãmri quê ha Inxũ te jũm pê ikôt ipa catê na ton na, quê ha ihtỳj cupê ikôt ipa catê. Na wa ha itỳj hacpỹa mã to ihtĩr, ampo cunea jamre xà ata kam.
45 Ne Pahpãm jarkwa to mehcakôc catêjê jõ kàhhôc kam hũjarẽn xà te hajỹr he: “Quê ha Pahpãm pê mehcunea mã ampo to hahkre catê” hane. Quê ha cute me kam hapac, ne amji mã me to ihhimpej atajê, quê ha ajpên iwỳr me apkjê, ne iwỳr me pra, ne ihtỳj amji mã me ito ihhimpej.
46 Ne rỳ jũ caxuw ita ri, pjê kam catêjê nõ te Inxũ pupun nare, ne pa nare. Wa ipyxit peaj ne itỳj quêt hõmpu. Ampo na? He curũam wa icator, na ri imã hahkre pej.
47 — He wa ampeaj kam me amã awjarẽ, quê ha jũm te amji mã ito ihhimpej na, quê ha ihtyc jirô pê hacpỹa mã ihtĩr, ne ihtĩr ita na apu ipa rohnỳtti mã.
48 Na ri ipê me gõ te me ato atĩr rohnỳtti mã xà ata.
49 Ne pê mam me panquêtjê põ kam me hamreare ata kam ame hõ pejti japrỳ te mana ata pit ku cakrô, pê ihtỳj amehwej ne amehtyc partu, ne nee cama hacpỹa mã jũm tĩr nare.
50 Ne por mehwỳr côjkwa pĩn me hõ tuwti wrỳc ata, quê ha jũm te ihkwỳ krẽr na, quê ha Pahpãm cahê na ihtĩr ita na apu ipa rohnỳtti mã.
51 Ne ipêa ri côjkwa pĩn me cumã me hõ tĩar wrỳc ata. Ne ipêa ri me to ihtĩr rohnỳtti mã xà. Wa ha pa, pjê kam mehcunea mã amji gõ. Na quê ha jũm te ihhêj ne ikwỳ krẽr na, quê ha Pahpãm cahê na ihtĩr ita na apu ipa rohnỳtti mã — hajỹr.
52 Mã Juta catêjê kwỳ ame kam incryac to ame kam incryc, na ri cute me ajpẽn mã harẽn kên kam ihtẽm, ne me harẽn to:
53 Mã Jeju me cumã:
54 Ne quê ha jũm te ijĩ kwỳ krẽr, ne icaprô ita kwỳ to ihkõm na, wa ha itỳj jũm ata to hacpỹa mã ihtĩr, por jũ caxuw me to ipicokjêr xà jõ amcro pê ampo cunea jamre xà ata kam.
55 Quêt ijĩ ita ri pjê kam me hõ itajê jirôa pê impej. Ampo na? He ijĩ ita pê ri quêt me hàpàn xà impejti ata, ne icaprô ita pê ri quêt mehkõm xà impejti ata, me to ihtĩr rohnỳtti mã xà caxuw.
56 Na quê ha jũmjê te ijĩ kwỳ krẽr, ne icaprô to mehkõm na, wa ha ramã me ajcacwa, ne ajpẽn kam me ihônco tu ne. Quê ha ramã Icarõ Pejti me cumã acjêj, quê ha Icarõ Pejti ata carôat kôt me ipa.
57 Ne por Inxũ pê mehtĩr xà cunea xakat ata te ri ajpên ikujahêc, na wa itĩar na ipa. Na quê ha jũm te ijĩ kwỳ krẽr na, quê ha hanea ne ihtĩr ita na apu ipa.
58 Hõhõ, pê mam me panquêtjê me hõ pejti pê mana krẽr cakrô, ihtỳj amehwej pa, ne amehtyc partu. Ne pom curmã côjkwa pĩn ipê me hõ intuwti wrỳc ita caca xà te nee hajỹr nare, ne ajteare mã, wa quêt mehtĩr rohnỳtti mã na me to — hane.
59 Pê Capernam jõ krĩ kam, cute me cuprõn xà jũrkwa kam Jeju me cumã hũjarẽn xà ata to awjarẽ to hane. Ne nee pê cormã ne Jeju me cumã amji to ipipẽ nare, mehcunea te me hahkre pej cupate. Cwỳrjapê pê ajco cute me cumã amji jarẽn xà itajê cwỳrpê me cumã amji jarẽn to ipa. Ne Jeju jĩ kur xà ata kôt harẽn xà te hajỹr he. Quê ha ihtỳj jũm amji mã Jeju to ihhimpej, ne ihkôat ipa, ne ihkôt ipa xà ata pê ri cute hĩ kur xà.
60 Mã Jeju kôt me ipa catêjê jàhtôa ne cute me ita par, ne ajpẽn mã me harẽn to:
61 Ne nee jũm te Jeju mã me harẽn nare kam, mã cutea ramã me ahna ihcakôc xà ata jahkre pej, cwỳrjapê ri cute mehcukij to:
62 He ca ha atỳj jũ caxuw côjkwa wỳr ipê me Ahàkà te hacpỹa mã hàpir na me hõmpu. Jirô pê mã ca ha cormã me ijũjarẽn xà itajê kôt me hakop, ne me hahkre pej.
63 Ne Pahpãm Carõ Pejti ata ri cahê na me ato ipijapar rohnỳtti mã. Ne jũ wỳr ca me anõ amjia kôt amji mã hamã ne ca amji to ajpa, ne me ca ajpẽn to me ajpa. Ne ca ha ate me icakôc xà ita na ikam me gapac na, quê ha Pahpãm Carõ Pejti me amã acjêj, ne me ato ipijapar rohnỳtti mã. Hõhõ, ita pê ri ate me ijĩ kur xà ata, pom wa me amã harẽ ita. Ne wa ampeaj kam me amã ampo itajê jarẽn cakrô, ca ajte nee me akwỳ ito amji mã me ahimpej nare — hajỹr.
64 Ampo na pê Jeju me cumã ita jarẽ? Nee mã ampo na nare. He pê ramã rỳ pêa mã, mam jũmjê atajê te to amji mã mehhimpej xà nare na me hahkre pej, ne hanea ne jũm te ihkên mã mẽn xà ata na hahkre pej.
65 Ne cute me cumã:
66 Na ri Jeju kôt me ipa catêjê jàhtôa ne cute ihkôt me ipa jicu, ne nee hipêr ihkôt me ipa nare.
67 Mã cute me ipê ihkôt me ipa catêjê te tôxi itajê cukij to:
68 Mã Ximãw Petrô te cumã harkwa to:
69 Wa ite me Pahpãm te apê jũm pejti ata kujahêc na me gahkre pej, na wa itỳj ite amji mã me ato hajỹr — hajỹr.
70 Mã Jeju me imã harkwa to:
71 Ne pê Jeju, Juta Carijot pê Ximãw Carijot kra ata to, pê me imã ihcakôc. Ampo na? Juta ata pê ihkôt me ipa catêjê te tôxi atajê nõa cakrô, quê ha ihtỳj jũ caxuw Jeju curê xwỳn tehcajpa, ne ihkên mã cumẽ.