1 Jesucristu caran mandaj Davidpa willcan, Abrahampa willcan. Canan Jesúspa auquilluncunata ricsicushun. Cay librućhu jutincuna isquirbiraycan:
2 Abraham churiyäcuran Isaacta.
3 Judána churiyäcuran Faréstawan Zérata. Paycunapa maman caran Tamar.
4 Aramna churiyäcuran Aminadabta.
5 Salmónna warmin Rahabćhu churiyäcuran Boozta.
6 Jeséna churiyäcuran mandaj Davidta.
7 Salomónna churiyäcuran Roboamta.
8 Asána churiyäcuran Josafatta.
9 Ocíasna churiyäcuran Yotamta.
10 Ezequíasna churiyäcuran Manasésta.
11 Josíasna churiyäcuran Jeconíasta.
12 Chay marcaćhu Jeconíaspa wamran Salatiel yuriran.
13 Zorobabelna churiyäcuran Abiudta.
14 Azorna churiyäcuran Sadocta.
15 Eliudna churiyäcuran Eleazarta.
16 Jacobna churiyäcuran Joséta.
17 Abrahampita mandaj Davidcaman ćhunca ćhuscuwan (14) willcacaman runacuna miraran. Mandaj Davidpita Israelcunata Babilonia marcaman apashancaman yapay ćhunca ćhuscuwan (14) willcacaman miraran. Chaypita Tayta Diosninchi caćhamushan Washäcuj yurishancaman yapay ćhunca ćhuscuwan (14) willcacaman miraran.
18 Canan Jesucristupita tantiyacushun. Maríawan José majachacänanpaj parlanacush caycaran. Ichanga manasi yataptillan Espíritu Santu camacächiptinmi, María jishyaj ricacuran.
19 Mana yataycaptin María jishyaj ricacuptin, José jaguiricuyta munaran. Payga Tayta Diosninchita sumaj manchapacuran. Chaymi runa washanta rimananta mana munar, pacayllapa jaguiricuyta munaran.
20 Jaguiriyta munaptin, suyñuyllanćhu Tayta Diosninchi caćhamushan anjil niran: «José, mandaj Davidpa willcan canqui. Maríawan majachacayta ama pingacuychu. Payga Espíritu Santu camacächiptin, jishyaj ricacusha.
21 Wamranpis ullgu yuringa. Marca-masincunata jucha aparicuypita washanga. Chaymi: ‹Jesús› nir jutinta ćhurapanqui.»
22 Llapanpis camacaran Tayta Diosninchipa shimin ćharcucänanpaj. Paypa willacujnin unayna musyachicuran:
23 «Runa yatäni jipash jishyaj ricacunga.
24 José puñushanpita ricchapacurir anjilpa shiminta wiyacur, Maríawan majachacaran.
25 Wamran manaraj yurishancaman Maríata mana yataparanchu. Wamran yuriptin: «Jesús» nir jutichaparan.