3 «Shuyaycuyraj. Tayta Diosninchipa wawancunataraj urcunćhu-caman chäpashaj. Chaypitaraj cay pachatapis, yacucunatapis, yüracunatapis ñacachinqui.»
4 Chaypita wiyarä: «Paćhac ćhuscu ćhunca ćhuscuwan waranga (144,000) Israel runacunallata chäpanqui» nimujta.
5 Judá castacuna ćhunca ishcaywan waranga (12,000) chäpacuran.
6 Aser castacuna ćhunca ishcaywan waranga (12,000) chäpacuran.
7 Simeón castacuna ćhunca ishcaywan waranga (12,000) chäpacuran.
8 Zabulón castacuna ćhunca ishcaywan waranga (12,000) chäpacuran.
9 Chaypita yupaysi mana atipaypaj runacunata ricarä. Chay-tucuy marcacunapita, tucuy casta runacuna, tucuy-niraj rimajcuna juturpaycaran. Tayta Diosninchipa ñaupanćhu, Uyshapa ñaupanćhu yuraj müdanash, palman aptash ićhirpaycaran.
10 Juc shimilla wiyacächiypa jayacuycaran:
11 Mandaj Tayta Diosninchipa jamananta llapan anjilcunapis, ishcay ćhunca ćhuscuwan (24) mayur runacunapis, intïru jananćhu ñawiyuj ćhuscu cawajcunapis tumaparaycaran. Llapanmi Tayta Diosninchita manchapacur, jungurpacuycur niran:
12 «Chaynuy caycullächun.
13 Chaypita juc mayur runa tapumaran: «Yuraj müdanashcuna, ¿picunataj? ¿Maypitataj shamusha?» nir.
14 Tapumaptin, nirä: «Quiquiqui musyanqui, tayta.»
15 Paycuna Tayta Diosninchipa ñaupanćhu juturpaycan.
16 Paycuna mana imaypis yarganganachu.
17 Tayta Diosninchipa maquinćhu cawar, mana llaquicunganachu.