1 Ricapacuynilläćhu ricapacuycaptillä, janaj pachapita achic-achicyaycar munayniyuj anjil yarpaycämuran. Sumaj achicyaptin, cay pachapis intïru achicyacurcuran.
2 Cushicur, japariypa anjil niran:
3 Babilonia marcapa mandajnin warmi llapan runata maquinćhu charar, juchallaćhu purichiran.
4 Chaypita jucna janaj pachapita wiyacächiypa nimuran:
5 Mana wiyacujcuna juchallan atipay caycan.
6 Jucha aparicushanman-tupu ñacayman ćhayachun.
7 Alli-tucushanpita chigaypa ñacachun.
8 Chay-niraj cashanpita timpurij jishyacuna ćhayapunga.
9 Babilonia marcaćhu nina ićhicurcuptinmi ichanga, llapan marcapa mandajnincuna llaquicuywan atar ninga: «¿Piwanraj cacushaj? Silluta manaćhi micushänachu.» Paycuna Tayta Diosninchita mana manchapacuranchu. Manchäga shungun munashallanta imatapis ruraran.
10 Chaura Babilonia marcata ñacachiptin, mancharinga. Carullapita ricar, wiguinpawanraj atanga:
11 Babilonia marca mana captin, llapan rantipacujcunapis: «¿Piraj rantimäshun?» nir wiguinpawan atangapaj.
12 Purichishan juricunata, jillaycunata, achic-achicyaj rumicunata pipis mana rantinganachu. Chaynuypis bayïtacunatapis, müdanacunatapis finu captinsi, achic-achicyaycaptinsi mana rantinganachu. Pirjümi jirucunata, tullupita piñicunata, alli jirucunata, brunsicunata, jïrucunata,
13 canïlacunata, pirjümicunata, bïnucunata, wiracunata, ñuchgu maćhcacunata, rïgucunata, uywacunata, uyshacunata, cawallucunata, cärucunata, shutirächishan runacunata pipis mana rantinganachu. Uywata-jina runata mana rantinganachu.
14 Chaymi marca runacunata rantipacujcuna ninga:
15 Rantipacujcuna imancunatapis Babilonia marcaćhu ranticur, rïcuyaran. Marca ushyapacaptinmi ichanga, mancharinga. Atar, aullar, carullapita jayacunga:
16 «Babiloniallau Babilonia, jatun marca caran.
17 Chaypis mana yarpashpita ushyapacayman ćhayasha.»
18 Jushtay ićhicurcuptin, juyupa mancharinga. Jayacuringa:
19 Llaquicushpan umancunamanpis ućhpata wiñacunga. Atar wagangapaj:
20 «Janaj pachachu llapaniqui jatunpa cushicärinquiman.
21 Chaura munayniyuj anjil jatun rumita lamar yacuman wicaparamur niran:
22 Chay marcaćhu mana pipis tünapacunganachu.
23 Achquitasi pipis mana ratachinganachu.
24 Babilonia marcaćhu Tayta Diosninchipa shiminta willacujcunatapis, wawancunatapis wañuchir, yawarnintapis mashtaran. May-chayćhüpis runacunata wañuchiran. Chaynuy cashanpita ushyacayman ćhayangapaj.»