1 Chaypitaga ricapurü juc angeltam, alisca munayniyogta, jana pachapita jegarpayämugta. Jinarcurmi paypa achicyayninwan cay pachaga ricacarun alisca achicyayar.
2 Chauraga lapan calpanpam cay nin:
3 Chaynuyman chay marcaga muyurun, lapan nacionchru
4 Chaylam mayarü jucpa shimintatag jana pachapita cay nimugta:
5 Chay marcachru runacunapa juchan cayan, jana pachacama gotushanuymi,
6 Imanuymi chay marca runacunata rurara chaynuy paytas rurapäcuy.
7 Chay marcaga cayan alitucugmi,
8 Chaymi chaypagga juc junaglachru aywamunga tucuy cunchuycuna,
9 Nätan cay pachachru mandagcunaga, imanuypanuysi micucular upyacular cawapäcunganpita, wagapäcungam, pësacurcangam, chay marcata nina rupaptin goshchriyagta ricaparärir.
10 Chay rupaptin carulachrümi manchacasha shacayärin cay nircayar:
11 Chaynuytan cay pachachru ima-ayga ranticugcunasi wagapäcunga, jinaman pësacurcangam chay apapäcunganta mana pisi rantiptin.
12 Chay apapäcunganga caycunam cara: Örum, yurag golguem, shumag välig rumicunam, perlacunam, lïnu ninganpita alisca välig tëlacunam, sëdam, tucuy cläsi pucacunam. Chaypita ima shumag asyag lapan guerucunam, marfil ninganpita tucuy rurashacunam, shumag guerucunapita ima-aygas lapan rurashacunam, cobripita, fierrupita, marmolpita ima-aygas lapan rurashacunam.
13 Chaypita canëla jampim, alisca shumag asyag perfümicunam, inciensum, mirram, jinaman vïnum, aceitim, harinam, trïgum. Chaypitaga uyshacunam, caballucunam, cärrucunam, jinaman ranticurcagran runacunatas.
14 Chay ranticugcuna cay nipäcungam chay marcata: “Ima-ayga munangaytas manam nä charanquichu, jinaman chay ima-aygas shumagcunata, ima-aygas väligcuna munangayta manam nä tarinquichu”.
15 Chaura chay ima-aygacunatas ranticugcunaga, nätan chay marcachru capogniyogman muyushacunaga carulachrümi manchacur capäcunga wagarcayar racrarcayar.
16 Jinaman cay nircayar
17 Nätan chaychica ima-aygaysi ushacarun juc üralatam” nipäcungam.
18 Jinarcurmi nina rupaptin goshchriyagta ricaparärirga gaparäcurcan: “Cay jatun marcanuyga manam maygansi carachu” nir.
19 Chaypitam wagarcayar racrarcayar umancunaman alpata jitayacarärin cay nir gapachracurcayar:
20 Chaylam jana pachapita cay nimun: “¡Cushicuy jana pacha cay marcapita!
21 Jinarcurmi juc munayniyog angelga charirun rumita, juc jatun tunaynuyta. Chaypitam jatun gochraman tacayurun cay niyar:
22 Manam mastaga gamchru mayacangachu arpas, ni flautas, ni trompëtas.
23 Manam mastaga gamchru achicyangachu
24 Nätan gam marcachrümi shumag mayacarun Diospa willacugnincunata,