1 Jesucristo rey David castapita yuregmi cargan. Davidnami cargan Abrahampa castanpita yureg. Tsaymi Abrahampita galaycur Jesucristupa unay castancuna caycuna cargan:
2 Abrahampa tsurinmi cargan Isaac.
3 Judäpa tsurincunami cargan Fareswan Zara.
4 Arampa tsurinmi cargan Aminadab.
5 Salmonpa tsurinmi cargan Booz.
6 Isaïpa tsurinmi cargan rey David.
7 Salomonpa tsurinmi cargan Roboam.
8 Asapa tsurinmi cargan Josafat.
9 Uziaspa tsurinmi cargan Jotam.
10 Ezequiaspa tsurinmi cargan Manasés.
11 Josiaspa tsurinmi cargan Jeconías y waquin wauguincunapis.
12 Tsaychönami Jeconiaspa tsurin Salatiel yurergan.
13 Zorobabelpa tsurinmi cargan Abiud.
14 Azorpa tsurinmi cargan Sadoc.
15 Eliudpa tsurinmi cargan Eleazar.
16 Jacobpa tsurinmi cargan Mariapa runan José.
17 Tsauraga Abraham cawashgan witsanpita hasta David yurishganyag chunca chuscu (14) generación cargan. Tsaynoglami David cawashgan witsanpita Israel runacunata Babiloniaman apashgan witsanyag chunca chuscu (14) generación cargan. Tsaynoglami Babiloniaman apashgan witsanpita hasta Jesucristo yurishganyag chunca chuscu (14) generación cargan.
18 Jesucristo caynogmi yurergan. Mariawan tänanpag José parlacushga caycarpis paywan manami punorganragtsu. Tsaynog caycaptinpis María gueshyag ricacorgan Santu Espiritupa munayninwanmi.
19 Gueshyag ricacuptinpis Josëga ali runa car manami munargantsu runacuna Mariata jamurpänanta. Tsaymi mana quejacuylapa cachariyta yarpargan.
20 Cacharinanpag yarpachacuycaptinmi Tayta Diosnintsipa angilnin Josëta sueñuynincho caynog nergan: “Rey Davidpa castan José, Mariaga manami pï runawanpis punushgatsu gueshyag ricacunanpag, sinöga Santu Espiritupa munayninwanmi gueshyag ricacushga. Tsaynog caycaptenga mana rabiacuylapa warmiquipag Mariata shuntacuy.
21 Olgu wamratami María wachanga. Runacuna jutsa rurashgancunata perdonar salvananpag captinmi tsay wamrapa jutin canga Jesús.” Tsaynog nirmi Josëta sueñuynincho ángil parlapargan.
22 Jesús yurinanpagmi Tayta Diosnintsipa profëtan caynog nir escribergan:
23 “Juc doncëlla jipashmi gueshyag ricacur olgu wamrata wachanga.
24 Tsaynog niptinmi José punuycashganpita riccharcamur Tayta Diosnintsipa angilnin nishgannogla Mariata shuntacorgan warminpag.
25 Itsanga Mariawan taycarpis paywan manami punorganragtsu hasta wawan yurinanyag. Wawan yuriptinnami jutinta José churapargan Jesús jutin cananpag.