1 Ñaupa tiempospi Dios niskanta unay tatasninchejman willarka. Ashqha cutista imaymanaspitaj niskanta unay willajcunannejta parlarka.
2 Cunan cay khepa p'unchaycunapirí Dios nokanchejman niskanta willawarkanchej Wawan Cristonejta. Paytataj wiñaypaj churarka tucuy ima paypata cananpaj. Yuyaskanmanjinataj Dioska paynejta tucuy pachacuna cajta ruwarka.
3 Chay tucuy atiyniyoj Diosmanta mana khawarinapajjina c'anchay llojsimun. Wawanka chaywan c'anchan cheka Diospa cayninta ricuchispa, payka Diosllataj caskanraycu. Chaywanpis Wawanka atiyniyoj niskanwan tucuy ruwaskan cajta purichin. Paytaj wañorka juchasninchejta khechunawanchejpaj. Chayta ruwaspañataj Dioswan cusca camachinanpaj janaj pachapi tiyaycucorka wiñay jatunchaska cananpaj.
4 Cristoka may aswan sumajmin tucuy imapi. Chaymanjinataj paytaka aswan sumaj sutiwan Dios jatuncharka angelesmanta niskaka. Chayraycu payka angelesmanta astawan curajpaj khawaskamin.
5 Yachanchej: Ni jayc'aj mayken angelmanpis Dios nerkachu:
6 Ujtawan cay pachaman c'ata Wawanta cachamuspataj nenka:
7 Palabranpi ricuchin angeleska janaj pachapi Diospa camachisnin caskancuta:
8 Wawanmanrí cayta Dios nin:
9 Cay pachaman jamuspa chekan caj ruwaskasta munacoj canqui.
10 Wawanman nillantaj:
11 Cay pachapis janaj pachapis tucuconkancu. Kanrí wiñaypaj canqui.
12 P'achatajinataj mauc'acapojtenka wajwan cambianqui.
13 Ni jayc'aj mayken angelmanpis Dioska nerkachu:
14 Angeleska tucuynincu espirituslla cancu, Diospa camachisnillan. Paycunaka wiñay causayta jap'ejcunata yanapanancupaj cachamuskas cancu.