1 Janajcho caycaj Tayta Dios, sumaj allimi gamta agradësicuyga;
2 Sumaj allimi cuyacoj cashayquita, aunishayquita cumlej cashayquita pagasta junajtapis willacuyga.
3 Sumaj allimi arpa-mallwawan, arpawan gamta alabayga.
4 Tayta Dios, gamga llapan rurashayquicunawanmi cushicachimashcanqui.
5 Tayta Dios, rurashayquicunaga fiyupa almiraypämi.
6 Chaymi mana tantiyacunchu llutan ruraj runacunaga.
7 Fiyucuna guewano mirashpanpis,
8 Tayta Dios, gammi ichanga janaj pachacho imaycamapis mandaycanquipaj.
9 Tayta Dios, chiquishojcunaga ushajpämi illganga.
10 Callpätapis gammi yurichishcanqui törupa callpanno cananpaj.
11 Chiquimajcuna mana alliman chayajtapis ricashcämi.
12 Alli runacunaga carcaycan cuyayllapaj palma yöra tucturaycajnörämi.
13 Chay lantacunanömi Tayta Diospa Wasincho carcaycan allita ruraj runacunaga.
14 Auquinna carpis yöra muruchajnömi caycanga.
15 Paycunami willaconga chapämajnë Tayta Dios alli cashanta,