1 Tayta Dios, wiyaycamay ari.
2 Gam munashayquinömi nogaga rurä.
3 Tayta Dios, imay örapis gamtami mañacaycämö.
4 Tayta Dios, gamtami mañacaycämö.
5 Tayta Dios, gamga canqui allimi, imapitapis perdunajmi.
6 Tayta Dios, mañacamushätaga wiyaycuy.
7 Llaquicushä öra gamta mañacamö imaypis yanapämaptiquimi.
8 Tayta Dios, manami gamnöga canchu.
9 Tayta Dios, gammi camacächishcanqui nasyuncuna cananpaj.
10 ¡Gam japallayquimi Diosga canqui!
11 Tayta Dios, sumaj tantiyachimay gamta wiyacunäpaj.
12 Tayta Dios, llapan shongöpami alabashayqui, adurashayqui.
13 Nogataga fiyupami cuyamanqui.
14 Tayta Dios, gamta mana yarpäshojcuna,
15 Tayta Dios, chaypis gamga canqui alli shongumi, cuyapäcojmi,
16 Ricäramushpayqui ¡cuyapaycamay ari!
17 Cuyapäcoj cashayquita musyachimay.