1 Tayta Dios, ¡ama upällallaga cacuychu!
2 Chiquishojcunata masqui ricay:
3 Acrashayqui runacunata mana allita rurananpämi parlacurcaycan.
4 Paycunaga nircaycan: «¡Paycunata illgarachishun manana nasyun cananpaj!
5 Llapanmi parlacusha gampa contrayqui.
6 Edom runacuna, Ismaelcuna, Moab runacuna, Agar runacuna,
7 Gebalpita, Amonpita, Amalecpita mirajcuna, Filistea runacuna, Tirocho tiyajcunapis.
8 Asiriocunapis paycunamanmi guellicusha.
9 Paycunata wañurachiy Madián runacunata wañuchishayquino.
10 Paycunataga illgächirayqui Endorchömi.
11 Mandajnincunatana wañuchiy Orebta, Zeebta wañuchishayquino.
12 Paycunaga «Dios goycushan chacrata charicarcärishun» niran.
13 Tayta Diosnillä, camacaycachiy ari
14 Imanömi muntita nina rupar ushacurcun,
15 chayno ricacunanpaj löcu tamyawan gaticachay, löcu wayrawan manchachiy.
16 ¡Tayta Dios paycunataga fiyupa pengacachiy gamman yäracamunanpaj!
17 Imaycamapis pengaycho cachun.
18 Llapan musyachun gam japallayqui Tayta Dios cashayquita.