1 Israelcunata ricaj Tayta Dios wiyaycamay ari.
2 Achicyaypa achicyar yurircushpayqui washaycuy Efrainpita, Manasespita, Benjaminpita mirajcunataga.
3 Tayta Dios, ñaupatano alli goyänäcunapaj yanapaycamay.
4 Israelcuna mañacuycäshuptiquipis
5 Chay-jina wagayllawan weguillätanami upuycäpis.
6 Nogacunataga cachaycamashcanquimi bisïnöcuna manacajman churamar cushipämänanpaj,
7 Munayniyoj Tayta Dios, ñaupatano alli goyänäcunapaj yanapaycamay ari.
8 Egiptupitami übas lantata apamurayqui.
9 Chacrata sumaj picharcurmi lantashcanqui.
10 Puntacunatapis chapasha llantupänanpaj.
11 Räman lätar aywajcunaga chayasha Mediterráneo lamarcamami,
12 Cananga ¿imanirtaj guenchancunata tunichishcanqui?
13 Munti cuchicunapis pedäsumi ruraycan.
14 Munayniyoj Tayta Dios cutiycamuy ari.
15 Chay übastaga quiquiquimi lantarayqui.
16 Übasniquega mutur-ushashami, rupachir-ushashami caycan.
17 Munashayquino cawaj runata ichanga yanapaycuy.
18 Chauraga mananami nogacuna imaypis gongashayquipänachu.
19 Munayniyoj Tayta Dios, ñaupatano alli goyänäcunapaj yanapaycamay.