1 Cay pachacho tiyajcunaga llapan cushicur Tayta Diosta alabachun.
2 Tayta Diostaga alabay-llapa.
3 Tayta Diospaj cantar cayno niy:
4 Cay pachacho tiyajcunaga llapanmi adurashunqui.
5 Tayta Dios rurashanta ricaj shamuy-llapa,
6 Lamartami ticrarachiran chaqui allpaman.
7 Munayniyoj cayninwanmi imaycamapis mandanga.
8 ¡Llapan runacuna Tayta Diosninchïta alabay!
9 Paymi canancamapis cawaycächimanchi.
10 Guellayta runa chulluchiptin ganran llojshishannömi
11 Gammi togllawan tunichimashcanqui.
12 Gammi camacächishcanqui manacajcunallapis manacajman churamänanpaj.
13 Wasiquiman yaycuycurmi gampaj uywacunata rupachishaj.
14 fiyupa ñacaycho caycashpä aunishäta.
15 Gampämi rupachishaj sëbasha uywacunapa aychanta.
16 ¡Tayta Diosta manchacoj cäga llapaniqui shamuy!
17 Nogaga Tayta Diostami mañacurä.
18 Mana allita yarpashpä mañacuptëga Tayta Dios manami wiyamanmanchu caran.
19 ¡Payga wiyamashpanmi llapan mañacushäta yanapämasha!
20 Alabasha cachun Tayta Diosga.