1 Tayta Dios, cuyapaycamay ari.
2 Syëlucho caycaj Tayta Dios imaypis yanapämaptiquimi gamta mañacamö.
3 Cuyapäcoj cashpayqui syëlupita-pacha yanapämay ari.
4 Nogaga runa micoj liyuncunapa chaupincho caycajnömi caycä.
5 Tayta Dios, gamga janaj syëluchöpis llapanpämi munayniyoj caycanqui.
6 Chiquimajcunaga purinäman togllata churasha.
7 Tayta Dios, shongöga ashac-ashacllami caycan.
8 Ricchariy ari shongullä.
9 Tayta Dios, llapan runacunapa ñaupanchömi alabashayqui.
10 Tayta Dios, cuyacoj cashayquega syëlucamami chayan.
11 Tayta Dios, gamga janaj syëluchöpis llapanpämi munayniyoj caycanqui.