1 Shongullächömi yarpaycä allita rimanäpaj.
2 Gamga llapan runacunapitapis mas cuyayllapämi canqui.
3 Jinyu ray, sabliquita chegllayquiman jaticuy.
4 Cawalluta muntacurcur binsej binsejllana guërraman ayway.
5 Gampa lëchayquicunaga llauchi punta cashpanmi
6 Tayta Dios camacächiptin mandaycashayquega para-simrimi.
7 Alli cajtaga cuyanquimi, mana alli cajtaga chiquinquimi.
8 Alli caj perfümi alli asyashannömi röpayquipis alli asyaycan.
9 Palasyuyquichöga raycunapa warmi wamrancunami caycan.
10 Sumaj wiyamay ïja. Willapashätaga sumaj tantiyacuy.
11 Cuyayllapaj captiquimi gamtaga ray munacushurayqui.
12 Tiro runacunami gamman shamonga imatapis goycushunayquipaj.
13 Raypa jipash wamranmi cuyayllapaj shuyaraycan.
14 Cuyayllapaj burdasha röpayojtami ray cajmanga pushan.
15 Cushishami aywarcaycan
16 Tayta ray, wamrayquicunami unay caj awiluyquicunano mandaj cangapaj.
17 Nogami alabansacunawan jutiquita yarpächishäpaj