1 Ñacaycajta jorgamashayquipitami Tayta Dios gamta alabä.
2 Tayta Dios, ruwacur mañacuptë allchacächimarayqui.
3 Tayta Dios, gammi wañuypita salbamashcanqui.
4 Tayta Dios munashanno goyaycajcunaga paypaj cantar alabay.
5 Payga rätullami rabyan.
6 Nogaga jauca goyashpä yarparä «manami imapis päsamangachu» nir.
7 Gammi Tayta Dios alli cashpayqui nogataga alli pachaman tiyachimarayqui.
8 Tayta Dios gamtami mañacamö.
9 Noga wañuptë ¿imataraj gänanqui?
10 Tayta Dios, wiyamashpayqui cuyapaycamay ari.
11 Fiyupa llaquicuycho caycaptëmi cushicuyta churamushcanqui.
12 Chaymi Tayta Dios, upällallaga imaypis mana cacushächu.