1 Diosnillä, Diosnillä, ¿imanirtaj cachaycamashcanqui?
2 Tayta Diosnillä, goyay-goyay mañacamuptëpis manami yanapämanquichu.
3 Ichanga gam Santo Diosmi canqui.
4 Unay papänëcunaga gammanmi yäracamuran.
5 Yanapänayquipaj mañacushuptiqui salbarayqui.
6 Nogaga cä curunöllami.
7 Ricamajcunaga asipämar manacajman churaman.
8 «Payga Tayta Diosllamanmi yäracoj.
9 Chayno captinpis gammi mamäpa pachanpita yurichimashcanqui.
10 Manaräpis yuriptëmi gamga ricaycämarayqui.
11 Ama cachaycamaychu.
12 Chiquimajcunaga wishtacoj törucunano tumaparcaycäman.
13 Micucoj liyuncunanöraj gaparpanpis.
14 Yacu jicharishanönami caycäpis.
15 Shimëpis chaquicäcushami.
16 Cañicoj allgucunanömi fiyucunaga intëröpa curalacaycamasha.
17 Pasaypa tullullannami caycä.
18 Röpäta raquipänacusha.
19 Tayta Dios ichanga gammi yanapämanqui.
20 Sabliwan wañuchimänanpita salbaycamay.
21 Chay liyuncunapita salbaycamay.
22 Gampämi runa-masïcunata willapäshaj.
23 ¡Rispitar adurajcunaga Tayta Diosta alabay!
24 Payga manami gongaycunchu pobricuna ñacashanta.
25 Adurashunayquipaj shuntacashan runacunapa ñaupanchömi alli cashayquipita alabashayqui.
26 Umildicunaga sacsananyajmi miconga.
27 Tucuy casta carpis, may nasyunpita carpis Tayta Diosmanna yäraconga.
28 Tayta Diosmi Rayga.
29 Pipis bïdantaga manami rantishachu.
30 Nogapita mirar aywajcunaga Tayta Diosllatami aduranga.
31 Guepata yurejcunatapis willapanga