1 Tayta Dios, gammi callpätapis gomashcanqui.
2 Gammi canqui washämaj, pacamaj, salbamaj,
3 Tayta Dios, alabasha canayquimi camacan.
4 Wañuyga janächönami ricacuran.
5 Wañuyga wascanömi pitucarcamaran.
6 Fiyupa llaquicurmi Tayta Diosta mañacurä.
7 Chaymi intërucho fiyupa timlur caran.
8 Senganpita goshtay llojshiycaran, shiminpitana nina.
9 Syëluta quicharirmi urämuran.
10 Querubín anjilta muntacurcur aywacuran.
11 Pacacunanmi caran yanauyaycaj chacay,
12 Fiyupa achicyaycaj illguymi ñaupanpita llojshiran.
13 Janaj pachacho caycaj Tayta Diosmi runtu tamyatawan ratataycaj shanshata tamyachimuran.
14 Lëchata jitajnöraj räyuchimusha.
15 Tayta Dios piñacur,
16 Tayta Diosga janajpita-pachami ayparcamusha.
17 Fiyupa munayniyoj chiquimajcunawan pillyaycaptëpis salbamashami.
18 Ñacaycho caycaptëmi, conträcuna magaycämaptinmi
19 Paymi allicho jorgamaran.
20 Allillata rurashäpitami
21 Nogaga Tayta Diospa nänillanpami purishcä.
22 Mandamintuncuna nishantaga llapantami ruraycä.
23 Paypa ñaupanchöga alli cajllatami llapantapis ruraycä.
24 Allillata rurashäpitami
25 Tayta Dios, cuyapäcoj cajtaga gampis yanapanquimi.
26 Juchaynajcunatapis yanapanquimi.
27 Umildicunataga salbanquimi.
28 Tayta Dios, gammi achicyaj pachata ricaycächimanqui.
29 Gam yanapämaptiquimi chiquimajcunaman magaj yaycushaj.
30 Tayta Dios nishanga llapanpis allimi.
31 Tayta Diospita mas jucga manami pipis canchu.
32 Tayta Diosmi jinyuyächiman.
33 Paymi chaquïtapis bïbuyächin lluychupatanöraj.
34 Paymi pillyapäpis yachachiman.
35 Gammi chapaycämanqui, salbaycämanqui.
36 Gammi alli nänipa pushamashcanqui.
37 Chiquimajcunata gaticacharpis taripashcämi.
38 Binsiptëga ñaupämanmi tuniran.
39 Pillyachöpis gammi callpäta yurichishcanqui.
40 chiquimajcunapis nogapita gueshpir aywacunanpaj.
41 Paycuna «yanapämay» nir ruwacuptinpis manami pipis yanapashachu.
42 Munashäta rurashcä wayra ñuchu allpata apashanno cashancamami.
43 Runacuna conträ jatariptinpis salbamashcanqui.
44 Chay runacunaga llapantami nishätapis wiyacun.
45 Juc-lä nasyun runacunapis manchacamanmi.
46 ¡Alabasha cachun Tayta Dios! ¡Alabasha cachun chapämajnëga!
47 Mana allita ruramashanpitami Tayta Diosnëga ayñita cutichisha.
48 Chiquimajcuna fiyupa rabyasha caycajpita,
49 Chaymi llapan nasyuncuna wiyaycaptin alabashayqui.
50 Sumaj allicho cananpämi yanapaycanqui acrashayqui raytaga.