1 Tayta Dios, gamlla alabasha cay ari.
2 Juc-lä nasyun runacunaga asipämar «¿maytaj Diosniqui?» nir tapuman.
3 Tayta Diosnëga syëluchömi caycan.
4 Tayta Diosta mana rispitaj runacunapa ïduluncunaga caycanmi goripitapis, guellaypitapis.
5 Shimin captinpis manami rimanchu.
6 Rinrin captinpis manami wiyanchu.
7 Maquin captinpis manami aptanchu.
8 Chay ïdulucunanömi caycan chay ïdulucunata rurajcunapis.
9 Israelcuna gamcunaga Tayta Diosllaman yäracuy-llapa.
10 Aarón casta cüracuna Tayta Diosman yäracuy.
11 Tayta Diosta rispitajcuna payman yäracuy.
12 Tayta Dios noganchïta yarparcamashcanchïmi.
13 Bindisyuntami gonga payta rispitajcunataga.
14 Tayta Dios yanapaycushunqui gamcunapis wamrayquicunapis aypallaman miranayquipaj.
15 Syëluta, cay pachatapis camaj Tayta Diosga
16 Quiquin Tayta Diospami syëluga.
17 Wañojcunaga usharäcunnami.
18 Noganchïmi ichanga alabaycäshun cananpis imaycamapis.