1 Tayta Dios, mañacaycämuptëga
2 Llullacunami, fiyucunami washäta parlarcaycan.
3 Fiyupami chiquipäman.
4 Noga cuyar paycunapaj mañacuycaptëpis conträmi ricacusha.
5 Allita rurashäpitami mana alliwan cutichimasha.
6 Chay runacunapäga jueznintapis churapay mana alli runata.
7 Demanduchöga quiquinta «juchayoj canqui» nichun.
8 Wallcallatana cawachun.
9 Wamrancunapis waccha quëdachun.
10 Wamrancunapis guella car caridäta mañacullarna purichun.
11 Ristajcuna ima-aycantapis guechurcur apacuchun.
12 Pipis ama cuyapächunchu payta ni quëdaj waccha wamrancunatapis.
13 Paycunapita mirajcunapis chayllachöna ushacächun.
14 Taytan mana allita rurashanta Tayta Dios yarpaycuchun.
15 Chayno mana allita rurashantaga Tayta Dios imaypis yarparaycächun.
16 Chay runaga imaypis manami cuyapäcuyta yachashachu.
17 Runa-masinpäga «maldisyun chayachun» nej.
18 Maldisyonga intërunta pitucurcuchun röpano.
19 Maldisyonga chapacurcuchun punchuno.
20 Tayta Dios chayno castigachun conträcunatawan, washä rimajcunata.
21 Gam ichanga Tayta Dios pï-maypis rispitashunayquipaj nogata alli ricamay.
22 Pasaypa pobrimi, pishipacaychömi caycä.
23 Llantuy illgacäcojnömi ruracaycä.
24 Mana micuptëmi gongurnëpis sicsicyaycan.
25 Runacuna asipänanmi cä.
26 Tayta Diosllä, yanapaycallämay.
27 Tayta Dios llapan musyachun gam llapanta maquiquiwan rurashayquita.
28 Nogataga manami imapis gocamanchu maldisyun chayamaptinpis.
29 Chiquimajcunaga llapan pengaycho cachun.
30 Imaycamapis Tayta Diostaga agradësicuycäshämi.
31 Payga pobricunapa faburninmi.