1 Balaamga musyaranna Israelcunata Tayta Dios bindisyunta gonanpaj cashanta. Chaymi musyaj aywanyashannöga mana aywarannachu. Chaypa ruquenga chunyajllapana ricäriran.
2 Chaura Israelcunataga ricaran cada trïbu shuyni-cama tiyaycajta. Tayta Diospa Espiritunpa munaynincho ricacurna
3 Balaamga imano cananpäpis cayno rimaran:
4 Munaynincho Tayta Dios ricacachimaptinmi llapantapis ricä.
5 ¡Jacobpita mirajcuna, tolduyquicuna cuyayllapämi!
6 Palma yöracuna fïlayllanpa ichiraycajnömi ricacan.
7 Israelcuna upunanpaj, micuynincunata pargunanpaj
8 Egiptupita jorgamoj Tayta Diosmi paycunataga yanapan.
9 Liyun cäsata charinanpaj llupucuycojnömi caycan.
10 Balaam chayno nejta wiyaycur Balacga fiyupa rabyacurcuran. Chaymi maquitapis jitapar-raj niran: «¡Gamtaga pushachimushcä conträcunata maldisyunapämänayquipämi! ¡Nishä cananwanga quimsa cutinami bindisyunta goshcanqui!
11 ¡Manaraj imapis cashancama wasiquiman cuticuy! Gamtaga ima-aycatapis goycunämi caran. Ichanga Tayta Diosmi mana camacächishachu.»
12 Chaura Balaam niran: «Cachayqui shamojcunataga maynami willarä:
13 ‹Palasyuncho goriwan guellay caycajta ushajpaj goycamaptinpis Tayta Diosnë mana munashantaga imatapis manami rurashächu. Allita ni mana allitapis quiquilläpitaga manami rurashächu. Nogaga rimashaj Tayta Dios rimachimashallantami› nir.
14 Nogaga marcämannami cuticö. Ichanga manaraj cuticurmi willashayqui chay Israel runacuna nasyunniquicho imano rurananpaj cashantapis.»
15 Chaura Balaamga imanöpis cananpaj cajta niran:
16 Munaynincho Tayta Dios ricacachimaptinmi llapantapis ricä.
17 Shamoj watacunacho imapis päsananpaj cajtami ricaycä.
18 Edom runacunataga binsengami.
19 Jacobpita mirajcunapitami munayniyoj runa yurimonga.
20 Chayno niycashanpita Balaamga ricäriran Amalec nasyunpa. Chay nasyun imano cananpäpis cayno niran:
23 Chaypita mastapis imano cananpäpis cayno niran:
24 Lamar chaupin Chipre tishgupitami büquicunawan runacuna shamonga.
25 Chaypitaga Balaam wasinman cuticuran. Balacpis aywacuran.