1 Chay ganchis quillalla ishcay chunca chuscu (24) junajnincho Israelcuna yapay shuntacaran ayunananpaj. Gachga röpacunata jaticuran. Umancunamanpis allpata wiñacuran.
2 Nircur ichircärir reconösiran «nogacunapis unay awilöcunapis juchasapami cä» nir. Israelcunallami juc-lä nasyun runacunapita acracaran.
3 Ichirpaycaptillan Tayta Diospa layninta llapan wiyananpaj quimsa öra liguiparan. Yapay quimsa örana juchancunapita Tayta Diosta mañacuran y aduraran.
4 Nircur cüracunata yanapaj Leví runacuna Josué, Binuy, Cadmiel, Sebanías, Buni, Serebías, Bani, Quenani wicharan chacranca caycajman. Paycuna gayarayparaj Tayta Diosta mañacuran.
5 Cüracunata yanapaj Leví runacuna Josué, Cadmiel, Binuy, Hasabnías, Serebías, Hodías, Sebanías, Petaías cayno niran:
6 «Gamllami Tayta Diosga canqui.
7 «Tayta Dios, gammi Abramta acrarayqui.
8 Gamga musyarayquimi Abraham gamman yäracamushanta.
9 «Ricarayquimi Egiptucho unay caj famillyäcuna imano ñacashantapis.
10 Fiyupa almiraypajcunata rurarmi castigarayqui faraonta, mandäshejnincunata, llapan pampa runacunatapis.
11 Israelcuna ricaycäshuptiquimi lamartapis ishcayman raquirirayqui.
12 Israelcunata junajpaga pusharayqui pucutay ichiraycajwan, chacaypana nina ratataycar ichiraycajwan maypa aywananpäpis achquipashpayqui.
13 «Sinaí puntamanmi urämurayqui.
14 Uywayniqui Moiseswan willapächirayqui cada semänacho juc junaj jamar alabashunayquipaj, munashayquino laycunatapis mandamintuyquicunatapis cumlinanpaj.
15 «Paycunataga syëlupitami tantata gomurayqui micunanpaj.
16 Chay unay caj awilöcunaga casha mana tantiyaj, mana wiyacoj runacunami.
17 Paycunata salbanayquipaj milagrucunata rurashayquitapis gongaycärirmi yachachishayquicunataga manana rurarannachu.
18 «Jundiypa töru-mallwata ruracarcärir ‹Caymi Egiptupita jorgamajninchi diosga› niran.
19 Cuyapäcoj cashpayquimi chunyajchöga mana cachaycurayquichu.
20 «Alli Espirituyquiwanmi paycunata tantiyachirayqui.
21 Chunyajchöpis chuscu chunca watantinmi cawachishcanqui.
22 «Paycuna tiyananpäpis munayniyojcunapa marcanta, nasyunninta entregarayqui.
23 Gammi camacächirayqui goyllarcunano aypallaman mirananpaj.
24 Paycunanami Canaanman yaycuycur guechuran.
25 Guechur charicarcäriran intërunpa curalasha siudäcunata, micuy alli wayunan chacracunata, ima-aycanpis junta caycaj wasincunata, yacu pösuncunata, übas chacrancunata, olivo wertancunata, waquin früta wertancunata.
26 «Ichanga mana wiyacojmi caran.
27 Chayno captinmi chiquejcunapa munayninman cachaycurayqui.
28 Alli goyashpannaga yapayna juchata ruraj.
29 Layniquicunata cumlinanpaj yaparir-yaparir tantiyachirayqui.
30 «Chaypis achca watami awantashcanqui.
31 Cuyapäcoj cashpayquimi ushajpäga mana illgächishcanquichu, ni gongaycushcanquipischu.
32 «Tayta Dios gamga canqui munayniyojmi, manchacunami.
33 Chaypis gamga alli cajtami rurashcanqui.
34 Gam willacachishayquicunata, mandamintuyquicunata manami cumlishachu raynëcunapis, mandajnëcunapis, cüracunapis, awilöcunapis.
35 Chaypa ruquenga mandashancho ima-aycayoj cananpaj yanapaycaptiquipis, micuy alli wayunan jatun chacrata goycaptiquipis manami adurashurayquichu.
36 «Awilöcunataga chacrata unay gorayqui micur upur goyänanpaj.
37 Chay chacracho wayojcunaga raycunallapämi caycan.
38 «Chaypitami nogacunaga papilta rurä cumlinäcunapaj jurashpä. Chay papil rurashäcunamanga firmanga mandajnëcuna, cüracunata yanapaj Leví runacuna y cüracunami.»