1 Nínive, gammanga illgächicojmi aywaycämun.
2 Gamcunaga acrashä runacunatami magarayqui.
3 Masqui ricay, illgächejcunaga chayaycämunnami.
4 Chay carrëtacunaga goshtatayllami aywaycärin.
5 Mandajcunami mandaj suldäruncunata aywananpaj cachaycan.
6 Siudäpa puncuncunatami amiriycärin.
7 Nínive runacunatana prësu apacun.
8 Ishtanqui juchucäcuptin yacu bunyaylla aywacushannömi Nínive siudächo tiyajcunaga gueshpiycan.
9 ¡Guellayta apacuy-llapa! ¡Gorita apacuy-llapa!
10 Nínive siudäga illgächishana, chunyaj jircaman ticrashana, pasaypa chaquishami caycan.
11 Cananga ¿maytaj liyuncunapa tiyanan machay?
12 ¿Imataj päsasha wawancunapaj, china liyuncunapaj cäsata pedäsu-pedäsu rachipaj liyuntaga?
13 Munayniyoj Tayta Diosga caynömi nin: